ТВ Шења објави: Коалицијата Вреди остро реагираше на денешните изјави на портпаролот на ДУИ Арбер Адеми, во врска со „неуспехот во владеењето на правото“, опишувајќи ја оваа изјава како пример за „исклучување на ДУИ од реалноста“. Во својот одговор Вреди нагласува дека е „иронично и неверојатно“ партија која, според нив, „половина од своето раководство ја има на црните листи за корупција“, „да држи предавања за европските стандарди и владеењето на правото“.
„ДУИ е главната причина зошто земјата со години не се придвижила напред во обврските од Кластерот 1. Партијата, која 20 години го претвори заробувањето на државата во уметност, денес се преправа дека е моралист.“ – се вели во реакцијата на Вреди.
Коалицијата Вреди ја обвинува ДУИ за политизирање на судството, тврдејќи дека „судовите се претвориле во „ограноци на ДУИ“, оти „одлуките „се донесувале во партиските ходници“, а промените во Кривичниот законик се донесени „заради амнестија на корумпираните“.
Според Вреди, и Европската Унија ги забележала проблемите на претходната влада, потсетувајќи на извештајот на Прибе, во кој владата на Груевски-Ахмети е опишана како „класичен пример за заробување на државата“, со политички мотивирани случаи и системски неправди, што доведоа до „протерување илјадници Албанци од земјата“.
Коалицијата Вреди потврдува дека е за независно финансирање и вистинско функционирање на судството, како и за силни механизми за отчетност, „така што правдата ќе им служи на граѓаните и на никој друг“. – објави ТВ Шења.