Македонија

Започна првиот уписен рок на факултетите

На Универзитетот „Св. Кирил и Методиј“ во Скопје денеска стартуваше првиот рок за пријавување на кандидати за запишување во прва година на додипломски студии за академската 2025/2026 година.

2 минути за читање

На Универзитетот „Св. Кирил и Методиј“ во Скопје денеска стартуваше првиот рок за пријавување на кандидати за запишување во прва година на додипломски студии за академската 2025/2026 година. Пријавувањето ќе трае два дена, на 19 и 20 август.

Според конкурсот на УКИМ, на 23-те факултети се нудат вкупно 9.719 места, распределени на следниов начин:

  • 4.683 места за редовни студенти финансирани од државниот буџет,

  • 4.081 места за редовни студенти со кофинансирање,

  • 955 места за вонредни студенти.

Најмногу слободни места има на следните факултети:

  • Факултет за информатички науки и компјутерско инженерство – ФИНКИ (1.020 места),

  • Природно-математички факултет (910 места),

  • Филозофски факултет (880 места),

  • Филолошки факултет (810 места),

  • Медицински факултет (760 места),

  • Економски факултет (700 места),

  • Правен факултет (610 места),

  • Факултет за електротехника и информациски технологии – ФЕИТ (590 места).

Редовните студенти финансирани од државата ќе плаќаат партиципација од 200 евра, додека студентите со кофинансирање и вонредните студенти ќе плаќаат по 400 евра.

Сите кандидати мора да се регистрираат на www.upisi.ukim.mk и да ја пополнат електронската пријава преку iKnow-системот. Деталните услови за запишување, критериумите, роковите и потребната документација се наведени во конкурсот.

Првиот уписен рок трае на 19 и 20 август. Вториот рок е закажан за 11 и 12 септември, а третиот рок, доколку останат слободни места, ќе се одржи на 24 септември 2025 година.

Поврзани теми:

Кирил и Методиј|Уписи|Факултети|УКИМ|ФИНКИ|ФЕИТ

Повеќе на оваа тема:

Најнови вести од: Македонија

Деспотовски: Ова не е мојата СДСМ

Јован Деспотовски, член на СДСМ и поранешен кандидат за претседател на партијата, на гостување во емисијата „Тема на денот“ на телевизија Сител, остро реагираше на барањето за негово исклучување од партијата и обвинувањата за предавство и соработка со политички противници.

Поранешен припадник на МВР, кој бил обезбедување на Џес Бејли, соработник на Данела и близок на уредникот на „Инфомакс“ е приведен

Настанот се случил на денот кога се одржа рочиште за случајот со насилен упад во редакцијата на Инфомакс за време на подкаст во живо.

Се бара итна ревизија на системот за влез и излез „EES“ – забележан еден куп пропусти

Во текот на шестмесечната фаза на имплементација, државјаните на трети земји сè уште ќе имаат пасоши кои се проверуваат и печатат. Сепак, покрај тоа, Системот за електронска безбедност бара да се земат отпечатоци од прсти и биометриска фотографија на лицето. Многу аеродроми имаат инсталирано специјални машини за оваа намена со цел да се забрза регистрацијата.

Новите згради на ФИНКИ и Факултетот за физичка култура ќе се поврзат со мост, се распишува тендер за репроектирање

Во напредна фаза е решението за довршување на зградите на Факултетот за информатички науки и компјутерско инженерство – ФИНКИ и Факултетот за физичка култура во близина на Ректоратот на Универзитетот Св. Кирил и Методиј, информираше на брифинг со новинарите министерката за образование и наука Весна Јаневска.

Повисоки плати, нов концепт за матура, ѕид на срамот – МОН со обемни планови за 2026 година

Повисоки плати, нов концепт на државната матура, електронски свидетелства, „ѕид на срамот“. Министерката за образование и наука на брифинг со новинарите за плановите во 2026. Јануари ќе стартува со потпишување на Националната стратегија за образование (2026-2032), која ќе биде патоказот по кој МОН ќе треба да ги крои политиките во следните шест години. Меѓу приоритетите во стратегијата е и едносменската настава. Досега е имплементирана во двесте училишта.
Сите вести од Македонија

Најнови вести

To top