Македонија

Започна светиот месец Рамазан

Во текот на овој месец, од изгрејсонце до зајдисонце, верниците се воздржуваат од храна и пијалаци, но и од лоши зборови, постапки и намери, стремејќи се кон целосно духовно и морално прочистување

2 минути за читање

Муслиманските верници од утрово го започнаа светиот месец Рамазан, период на пост, духовна дисциплина и внатрешна преобразба што ќе трае 29 дена, заклучно со 20 март.

Во текот на овој месец, од изгрејсонце до зајдисонце, верниците се воздржуваат од храна и пијалаци, но и од лоши зборови, постапки и намери, стремејќи се кон целосно духовно и морално прочистување.

Рамазан, деветтиот месец од исламскиот календар, има особено значење во исламската традиција. Според верувањето, токму во овој месец пред повеќе од 14 века на пророкот Мухамед му биле објавени првите стихови од Куранот. Постот е еден од петте столбови на исламот и претставува верска обврска за секој полнолетен и здрав муслиман. Исклучоци постојат за болните, бремените жени и лицата што извршуваат тешка физичка работа.

Круна на постот е тридневниот празник Рамазан Бајрам, кој започнува на 20 март. Тоа е време на семејни собири, празнични трпези и посети на роднини и пријатели. Првиот ден од Бајрам е и државен празник, па 20 март (петок) ќе биде неработен ден за сите граѓани.

Во пресрет на почетокот на постот, поглаварот на Исламската верска заедница, реисул-улема Шаќир Фетаи, упати порака до верниците, нагласувајќи дека Рамазан е период кога срцето станува почувствително, совеста поостра, а врската со Алах – подлабока.

„Рамазан е повик кон внатрешен мир и кон враќање кон суштинските вредности. Целта на постот е богобојазливоста – постојана свесност за Алах што го насочува човекот во мислата, зборот и делото“, истакнува Фетаи. Според него, воздржувањето од дозволеното, како храната и пијалакот, ја зацврстува волјата и ја гради самоконтролата, неопходна за откажување од забранетото.

Тој потсетува дека вистинскиот пост не завршува со телесната дисциплина. „Не е доволно да пости стомакот, треба да замолчи и злото во нас. Рамазан бара да се оттурнат раздорите, клеветите и горделивоста, а на нивно место да се вградат милоста, благодарноста и солидарноста“, порачува поглаварот на ИВЗ.

Фетаи повикува месецот да се искористи за лична и заедничка преобразба, за искрено покајание, простување и обновување на меѓусебната доверба. Тој изрази надеж дека Рамазан ќе донесе мир во семејствата, единство во заедницата и стабилност во татковината, посакувајќи им на верниците лесен и прифатен пост.

Поврзани теми:

избор|Рамазан|муслиманските верници|29 дена

Најнови вести од: Македонија

Неуспешните обиди на Бугарите да ги спречат Кажимјеж Фелешко и други полски македонисти во меѓународната афирмација на самобитноста на македонскиот јазик

Денес, на 3 јули 2026 година се навршуваат 25 години од смртта на истакнатиот полски славист и македонист Кажимјеж Фелешко, еден од големата низа полски македонисти, кој има дадено драгоцен придонес кон меѓународните студии на македонскиот јазик, третиран како засебен јазик во семејството на јужнословенските јазици. Оваа годишнина е повод за осврнувањето на научното творештво негово, но и на цела една голема низа други исто така истакнати полски македонисти, кои повеќе децении во континуитет се вклучени во студиите за македонскиот јазик, во македонистиката во Полска, а со тоа и во широката меѓународна афирмација за македонскиот јазик. Во овој контекст е посебно за истакнување и една од најголемите полски македонистки и членка на Македонската академија на науки и уметности Зузана Тополинска, која во 2020 година ќе изнесе шокантно сведоштво во интервју за „360 степени“ дека Бугарите ѝ нуделе дури и пари да се откаже од македонистиката и македонскиот јазик. „Бугарите се циркус, поради својата несигурност во врска со поради македонскиот јазик!“ – ќе каже академик Тополинска во тоа свое интервју. Во 2005 година професорката Лилјана Минова – Ѓуркова ќе изнесе уште еден вџашувачки момент: при доделувањето на почесниот докторат на науки на Станислав Гајда, полски филолог и македонист, од страна на Универзитетот УКИМ, Бугарите им упатувале и ултиматуми не само на група македонски македонисти, туку и на самиот Гајда, „да се откажат од Македонците и македонските дијалекти во Бугарија“! Ова Ѓуркова го напишала во соодветно полско списание во статија посветена на доделувањето на почесниот докторат на науки на Гајда, инаку полски филолог-македонист, како и член на Полската академија на науки.    

Ошлис: Македонецот Наум Охридски е европски просветител, но и дипломат, а Европа ако ја изгуби Македонија, набргу ќе се изгуби и саматата себеси! (3)

Големиот германски македонист проф.д-р Волф Ошлис силно ја застапува македонската историска перспектива и нагласува дека дејноста и традицијата на Свети Наум Охридски е дел од македонското јазично-културно и просветителско наследство. Во своите истапувања на Меѓународниот семинар за македонски јазик и култура во Охрид во изминатите години Ошлис ја ја аргументирал повеќе пати својата констатација дека Наум е еден од основноположниците на македонската култура, јазик, религија и наука, без никаква врска со други народи во Балканот. Во својот научен труд со наслов „Македонецот Наум Охридски и Германецот Регино фон Прим како европски дипломати“ Ошлис, дури, го означува македонскиот просветител и како еден од првите и тоа врвни европски дипломати, поради развиените контакти, што ги имал со тогашните владетели и видните личности од нивните царски дворови, во рамки на своето учество во тогашната Моравска мисија на македонските и сесловенски просветители Кирил и Методиј, започната во 863 година меѓу народите во Средна Европа.

„СДК“: На „Маркова нога“ ќе се обнови спомен-плочата за седумте младинци од Лерин, ѕверски убиени на 17.1.1944 од бугарскиот фашистички окупатор

„На седумте младинци борци од Лерин, ѕверски убиени на 17 јануари 1944 година од бугарскиот фашистички окупатор“, пишува на спомен-плочата на граничниот премин Маркова Нога. Повторното отворање на граничниот премин Маркова Нога во Преспа ќе нема само политичко, и економско начење. Преминот ќе биде и место за историско сеќавање бидејќи непосредно до него, на македонската страна, се наоѓа спомен-плочата за седумте младинци од Лерин кои беа измачувани и убиени од фашистичките сили за време на Втората светска војна, објави информативниот портал „СДК“.
Сите вести од Македонија

Најнови вести

To top