Жена обвинител можела да го спречи убиството на Росица и нејзиниот татко.
Иако Велешкото обвинителство не објавува кој го водел предметот против Илија Стефановски кој на брутален начин ги усмрти Росица и нејзиниот татко во Велес јасно е дека тие можеле да бидат спасени ако имало соодветна реакција од страна на жена обвинител во Велешкото обвинителство.
Обвинителката која го водела предметот против убиецот можела да ги спаси Росица и татко и ако врз основа на материјалите со кои располагала побарала притвор за насилникот и убиец.
Со тоа наместо на слобода од каде ги извршил убиствата Стефановски ќе бил затворен и немало да може да убива.
Посебен проблем за правосудството е судијата Ангел Трипчев кој го судел Стефановски и од максималните 5 години и 6 месеци досудил условна казна по која Стефановски без притвор бил на слобода.
Во ситуација кога обвинителството не открива кој е обвинителот што не побарал притвор за Стефановски до информацијата за полот на обвинителот expres.mk доаѓа со анализа на составот на Велешкото обвинителство.
Основното јавно обвинителство Велес кое е основано во 1946 година функционира на подрачјето на Основниот суд во Велес како основно јавно обвинителство со проширена надлежност. За својата работа одговара пред Вишото Јавно Обвинителство Скопје, како и пред Советот на јавните обвинители, пишува на веб сајтот на Велешкото обвинителство.
Таму се наведува дека сите обвинители почнувајќи од основниот јавен обвинител
Цветанка Богоевска и јавните обвинители во ОЈО ВЕЛЕС вкупно на број 7 се жени.
Која од обвинителите Гордана Тодорова,
Славица Темелковски, Силвија Ивановска,
Анастасија Миланова, Аделина Станинова и
Александра Станковска го видела случајот и не побарала притвор за насилникот кој десетина години се наоѓал во записи за криминал за насилство врз жени засега не се открива.