Македонија

Жестока критика за Али Ахмети од албанската дијаспора, Муслиу вели „нема компас во изјавите“ и „во борбата за власт го лиже тоа што ќе го исплука“!

Продолжува серијата прогнози меѓу Албанците дека му се наближува политичкиот крај на лидерот на ДУИ Али Ахмети: овојпат вакво навестување доаѓа од албанската дијаспора од Европа, од Скендер Муслиу од Евроатлантското лоби на Албанците. Ова е уште една потврда за фактот дека политичката кариера на Али Ахмети е во остра надолна линија не само во очите на неговите сонародници од Македонија и во Балканот полшироко, туку сега веќе и меѓу албанската дијаспора.

„ДУИ повеќе не е достојна да ги штити и да ги унапредува интересите и правата на Албанците, бидејќи во дваесетте години додека беше на власт не успеа да го стори тоа. Али Ахмети нема политички морал и во борбата за власт тој го лиже тоа што ќе го исплука, а ова го прават и Зијадин Села и Арбен Таравари! Али Ахмети го изгубил компасот во тоа што го зборува. Потврда за ова е неговата лага од пред неколку дена дека Мицковски еден ден ќе им го одземе јазикот и знамето на Албанците. Овие изјави се неодговорни и популистички, наменети за ширење лажна пропаганда во јавноста само за да добие неколку гласови.“ – вели во својата жестока колумна Скендер Муслиу од Евроатлантското лоби на Албанците – невладина организација на албанската дијаспора во Европа.

Во колумната со наслов „Дали се ова последните крици на Али Ахмети!?“, која ја објави весникот на албански јазик „Бота сот“ од Приштина, од Косово, покрај другото, Муслиу пишува: Уште од моментот на доаѓањето на власт, веќе над две децении и на локалните и на парламентарните избори ДУИ само ги обновуваше своите ветувања, но не ги реализираше. Немајќи аргументи, опозициската коалиција Национална алијанса за интеграција (НАИ) на ДУИ и на Али Ахмети започна остра предизборна кампања, исполнета со нервоза, критика, навреди и оцрнување против Вреди, со цел да ја минимизира она. што навистина го правеше ДУИ во своето владеење.

Критиките меѓу политичарите се повеќе од нормални, особено за време на изборните кампањи, бидејќи тие меѓу себе се сметаат за политички противници. Најгласни во овие критики се Али Ахмети и неговите сателити Села, Таравари, Скендер Зејди, и не само тие. Сите овие ги земаат како своја цел политичарите на Вреди и премиерот Мицкоски. Откако дојде на чело на владата Мицкоски не прифати да направи коалиција со ДУИ. Ја одби соработката со Али Ахмети и коалицираше со Вреди. Ова е главната и единствена причина зошто Ахмети води лажна пропаганда против Вреди и Мицкоски, односно затоа што не е повеќе на власт. Можеби и поради тоа што му доаѓа времето на одговорност и да положи сметка.

И покрај критиките против Вреди од Националната алијанса за интеграција и од Али Ахмети, кој е активен како никогаш досега, Вреди за една година и половина колку што е на власт, покажа сериозност, работа и посветеност, без коруптивни афери. Сево ова им пречи на Националната алијанса за интеграција, бидејќи е многу голема разликата во владеењето меѓу ДУИ и Вреди: додека беше на власт ДУИ неговите функционери играа фудбал во канцелариите на министерствата, а од друга страна Вреди сега се занимава со сериозна работа во интерес на граѓаните.

Кога е во прашање власта не постои политички морал во коалицијата Национална алијанса за интеграција. Потврда за ова се непријателствата и нетрпеливоста, што ги имаше меѓу лидерите на НАИ. Додека беше лидер на Алијансата за Албанците Зијадин Села велеше за Али Ахмети дека „власта е негова главна цел“ и оти „не беше проблем за Ахмети да се здружи и со ѓаволот, само за да се одржи на власт“. Арбен Таравари зборуваше за Али Ахмети дека „има вистински здравствени проблеми„“ Арбен Таравари имаше кажано за Али Ахмети дека „има вистински здравствени проблеми“ и оти „ Таравари може да коалицира со ѓаволот, но не и со ДУИ“. Али Ахмети алудирајќи на Села и на Таравари во една телевизиска емисија изјави: „Јас не седам со уличари без чест!“

Но и покрај овие навреди, омаловажувања и меѓусебни оцрнувања, споменатите челници на Националната алијанса за интеграција се здружија без никаков срам, само за да дојдат на власт. Каква иронија! Оттука се поставува прашањето: дали НАИ е природна, стабилна и здрава коалиција, или е вештачка коалиција од уцена и сила?! Ова покажува дека и покрај јавната омраза и омаловажувања меѓу лидерите на НАИ, во неморалната борба за власт овие политичари го лижат, тоа што го плукаат!

Сега за да ги зајакне редовите на НАИ, Али Ахмети повикува на таканаречениот „албански сојуз“?! Каков „албански сојуз“ бара Али Ахмети со своите компромитирани политичари, кога се знае дека тие се без доверба, потонати во корупција и организиран криминал? Каков „албански сојуз“ бара Ахмети со своите функционери, кои се официјално на „црната листа“ на САД? Кој може друг да се приклучи на овој сојуз освен Села, Таравари, Скендер Зејди и другите, кои ги предадоа својата партија и членството? Села, Таравари, Скендер Зејди и другите како нив сега се претворија во празни вагони на локомотивата на јаглен на ДУИ!

Изненадувачка е изјавата на Али Ахмети дека Албин Курти треба да им се извини на Албанците, затоа што е на страната на премиерот Мицковски!? Каква иронија! Каква манипулација со јавното мислење! Курти не е на страната на Мицковски, туку поддржува промени, политичари кои владеат со чисти раце, кои ги држат своите ветувања, како што е Вреди, додека Али Ахмети треба да се срами од својата политичка кариера, која ја стави во служба на корупцијата и организираниот криминал кога беше на власт. Али Ахмети го изгубил компасот во тоа што го зборува. Потврда за ова е изјавата од пред неколку дена дека Мицковски еден ден ќе им го одземе јазикот и знамето на Албанците. Овие изјави се неодговорни и популистички, наменети за ширење лажна пропаганда во јавноста само за да добие неколку гласови.

Повикот на Ахмети за меѓуалбанско единство е неиздржан и изборна фарса, бидејќи слоганот на политичкото дејствување на ДУИ беше „раздели па владеј“, за да владее самата, слободно и без политичка конкуренција. Ова се случи со партијата БЕСА, која преку интриги ја подели на БЕСА и Алтернатива. Потоа преку уцени беше „киднапиран“ и Арбен Таравари. Ова продолжи со намамување на Скендер Реџепи- Зејд, на Аријанит Хоџа… Сите ови беа претворени во платеници и вазали, за да ја критикуваат на секој собир Вреди, иако со нив беа заедно до вчера.

Пред последните парламентарни избори Али Ахмети, кој толку многу го критикува Христијан Мицкоски, неколку пати му испраќаше на Мицкоски гласници со понуда за коалиција, дури и без услови, откажувајќи се од тоа да не биде Албанец на позицијата претседател на парламентот, само за да може да остане ДУИ на власт. Но, Мицковски ги остави ДУИ и нејзината коалиција Национална алијанса за интеграција во опозиција, изолирајќи ја од власта, што ја злоупотребуваше две децении. Затоа, ДУИ повеќе не е достојна да ги штити и да ги унапредува интересите и правата на Албанците, бидејќи низ децениите не успеа во тоа. Само користеше популистички и националистички јазик и со своите погрешни политики ја растури перспективата на младите, што предизвика масовно раселување на Албанците. – заклучува Скендер Муслиу од организацијата на албанската дијаспора Евроатлантско лоби на Албанците.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top