Димче Арсовски денеска стави точка на милоста и отвори судска војна против СДСМ. Поводот е вчерашната прес-конференција на социјалдемократите на која неговото име беше вовлечено во приказната за тендери од 9 милиони евра, со тврдење дека е роднина на еден од сопствениците на фирмата-добитник. Арсовски веднаш демантира: нема никаква роднинска врска, само исто презиме. Побара јавно извинување. СДСМ одби – и тоа дрско.
Одговорот на Арсовски е бескомпромисен и напишан со стил што ќе се памти:
„Златните визи на Венко и Заев за Дубаи на крај излегоа златни визи за политичка историја на една партија како СДСМ, која секојдневно со неспособноста и непознавањето на суштината на политиката, брзо и сигурно оди со рејтингот да се израмни со ЛДП, ако некој воопшто ја памти таа партија.“
Потоа следува финалниот удар:
„Културно им дадов шанса да се извинат. Дрско одбија. Затоа денес соопштувам: ќе ги тужам за клевета. Целата оштета што ќе ја пресуди судот ќе биде донирана.“
Случајот Арсовски против СДСМ од утре официјално е на судска маса. А рејтингот на СДСМ, според Димса, веќе се мери со архивска прашина.