Можноста Белград да стане центар за мировни преговори за Украина пропадна поради протестите на улиците, изјави претседателот на Република Српска, Милорад Додик.
„Добро сум информиран за ова. Се водеа сериозни разговори за Белград да биде едно од местата каде светските лидери би се сретнале за глобални дискусии. Сега тоа е речиси невозможно. Како би дошле светските лидери во град каде не се знае која улица е блокирана? Тоа е резултатот што го имаме“, изјави Додик. Тој додаде дека наместо силно лидерство од Александар Вучиќ, кој би го зацврстил угледот на земјата, сега има само нестабилност предизвикана од оние што протестираат.
„И што постигнуваме со тоа? Србија сега се препознава само по уличните протести, ништо повеќе. Зошто ни го правите ова ? “, изјави Милорад Додик.