Регион

Фрлил молотов коктел врз „Куќата на цвеќето“ каде почива Тито

55-годишен маж е уапсен по интервенцијата на полицијата. По наредба на обвинителството му е одреден притвор до 48 часа

Белградската полиција го уапси Г. М. (55) под сомнение дека фрлил молотов коктел врз Куќата на цвеќето, дознава Telegraf.rs.

Мажот е уапсен по интервенцијата на полицијата. По наредба на обвинителството му е одреден притвор до 48 часа.

Тој е осомничен дека се обидел да го запали Музејот на 25 мај, местото каде што е погребан поранешниот југословенски претседател Јосип Броз Тито, околу 6 часот утрово.

Неофицијално, пожарот ја оштетил влезната врата од Куќата на цвеќето.

Според Telegraf.rs, полицијата била повикана од обезбедувач. Тој пријавил дека во Музејот пред зградата дошол маж, најверојатно држејќи молотов коктел, и се заканувал дека ќе ја запали зградата.

„Тој се приближил до зградата и фрлил запалива течност. За среќа, обезбедувачот го фатил и ја повикал полицијата“, пишува Telegraf. Неофицијално, дознале дека за време на апсењето човекот рекол дека сакал да го запали „усташкото дувло“.

Најнови вести од: Регион

Вучиќ го прогласи нападот пред Собранието за терористички чин: Поранешен агент од Државната безбедност е напаѓачот

Поранешен член на Државната безбедност е напаѓачот пред српското Собрание, како што откри претседателот на Србија, Александар Вучиќ, во вонредно телевизиско обраќање, при што го нарече нападот „терористички чин“.

Замрзнат имот во Србија и Македонија на сопственикот на „Марковски компани“

Основното јавно обвинителство Битола на 9 октомври отвори истражна постапка против осум физички и едно правно лице за продолжени кривични дела поврзани со јавни набавки во РЕК Битола, меѓу кои и Борче Марковски, сопственик на „Марковски компани“

Најнови вести

To top