Регион

Граѓани упаднаа во ТВ Информер, реакции од Вучиќ и од студентите

Лидерот на опозицијата го нарече упадот „монструозно насилство“; „медиумите ќе ги ослободуваме во Собранието“, порачаа „Студенти во блокада – Белград“

Група граѓани влегоа во зградата на телевизијата Информер, по што редовната програма беше прекината, а главниот уредник Драган Ј. Вучиќевиќ и новинарите го напуштија студиото.

По ова, Вучиќевиќ, за време на преносот во живо, повика полиција и служби за итна помош, барајќи евакуација на вработените.

Околу 18:40 часот, група граѓани влее во студиото од кое се емитуваше програма во живо, во која учествуваа Драган Ј. Вучиќевиќ и новинари од Информер“.

По неколкуминутно меѓусебно довикување со редакцијата, групата ги напушти просториите. Редовната програма е прекината, а во моментов се емитуваат снимки од упадот на граѓаните.

Лидерот на опозицијата и донеодамнешен претседател на државата Александар Вучиќ го осуди упадот, нарекувајќи го „монструозен“.

„Вечерва бевме сведоци на насилство без преседан – монструозно насилство: упад во Информер, напад врз слободата на изразување, врз слободата на јавниот дискурс и врз слободата на новинарството. Симптоматично е што никој не се осмелува да каже ни збор за тоа; ЕУ молчи, сите молчат – многу новинарски здруженија и колеги новинари молчат – како некако да имаат право да ја истурат својата злоба врз Драган Вучиќевиќ“, реагира Вучиќ на Инстаграм.

„Да го направевме истото кон Н1 или Нова С – медиуми кои изнеле работи десет пати пострашни од сè што Вучиќевиќ некогаш кажал за демонстрантите – ќе бевме етикетирани како најлош вид на насилници, диктатори…“, истакна тој.

„Безумните напади врз луѓето мора да престанат“, напиша Вучиќ на социјалната мрежа.

Реагира и студентсткото движење „Студенти во блокада – Белград“.

„Ја разбираме среќата, емоциите и потребата конечно да ја прославиме победата по сè што поминавме. Но, сега е важно да останеме достоинствени и одговорни“, се вели во нивната објава на Фејсбук. „Медиумите ќе ги ослободуваме во Собранието, преку институционална борба за слобода и професионално новинарство. Победата ја извојувавме заедно, да го зачуваме нејзиното достоинство!“.

Најнови вести од: Регион

Најава за големи демонстрации во Албанија за 28 и 29 ноември 2026! Вчера палени контејнери, Рама маван со јајца, кршена вратата на Парламентот!

Студентското движење и незадоволните граѓани продолжуваат со редовни протести пред Министерството за образование и пред Владата во Тирана, барајќи оставка од премиерот Еди Рама и промени во власта. Вчера за време на протестот во Тирана, дојде до инциденти со палење контејнери, по што полицијата уапси три лица, поведе постапки против уште 18 и изрече 44 парични казни. Организаторите го најавуваат следниот голем бран на демонстрации за празничниот викенд на 28 и 29 ноември, кога се очекува пристигнување на албанската дијаспора во Тирана за масовен марш.

Најдовски: Како книгата „Егејци“ на Кица Колбе, стана „подобна“ во Грција?

Откако јавно и гласно ја поддржа политиката на Заев и Преспанскиот договор, а потоа стана и дел од Комисијата за ревизија на историјата со Грција, книгата е добредојдена кај јуќниот сосед

To top