Регион

Грчките земјоделци и денеска ги блокираат граничните премини

Продолжуваат со протестите и блокадите низ целата земја, откако ја одбија поканата за средба со грчкиот премиер – наместо средба, своите барања писмено ги испратија до Владата

Граничниот премин Евзони кон  Македонија денеска повторно ќе биде блокиран од грчките земјоделци во периодот од 12 до 16 часот по локално време, како и попладнево од 18 часот, јави грчката агенција АНА-МПА.

Паралелно, блокада ќе има и на граничниот премин Ники, но таму сообраќајот ќе биде во прекин само за товарни возила во периодот од 19 до 23 часот.

Земјоделците во Грција продолжуваат со протестите и блокадите низ целата земја, откако ја одбија поканата за средба со грчкиот премиер закажана за попладнево. Наместо средба, своите барања писмено ги испратија до Владата.

Според АНА-МПА, денеска се планирани и блокади на другите гранични премини, вклучувајќи ги Промахонас и Ексохи кон Бугарија, каде што исто така ќе биде прекинат сообраќајот за товарни возила.

На Евзони, протестите започнаа пред две седмици, на 1 декември, кога земјоделците од регионот Пеонија и од градот Јаница пристигнаа со своите трактори.

Околу 300 трактори остануваат паркирани на грчката страна на границата.

По состанокот одржан во саботата, земјоделците ги објавија своите барања кои ги доставија до Владата:

Протестите, кои започнаа на 30 ноември поради зголемените трошоци за производство и ниските откупни цени, се фокусираат и на скандалот со ОПЕКЕПЕ (европските земјоделски субвенции).

Тие бараат да се вратат и распределат украдените средства на вистинските корисници, земјоделците да не ги плаќаат казните, како и „да се утврдат политичките и кривичните одговорности и јавно да се објават имињата“.

Најнови вести од: Регион

Мосад им доставил информации на Грција и Македонија за иранската мрежа, што подготвувала обид за атентат во Грција

Израелската агенција за надворешно разузнавање Мосад им доставила информации на Грција и Македонија за мрежата поврзана со Иран, што наводно подготвувала обид за атентат во Грција, објави израелскиот портал Ynet, повикувајќи се на свои извори.

Главниот дел од истрагата за разоткривањето на иранската мрежа го воделе безбедносните служби на Македонија

30-годишен македонски државјанин, кој бил прогласен за непожелен од безбедносни причини во Грција бил уапсен на крајот на октомври со автомобил со македонски регистарски таблички се обидел да ја напушти Грција и да влезе во Турција преку копнениот граничен премин во областа Еврос

Ива Михајлова: „Јави ми се веднаш, зашто сите ќе умреме уште вечерва“(ВИДЕО)

Ова била една од пораките што јутјуберот Цанов ги добил од Михајлова само неколку минути откако тој го објавил првото видео, во кое Ива зборуваше за наводен притисок од безбедносните служби во Бугарија

To top