Додека албанското специјално обвинителство води истрага а локални граѓани ја уриваат оградата ќерката на претседателот Доналд Трамп раскажува како се вљубила во островот каде сака гради нејзиниот сопруг.
Во своето најново интервју Иванка Трамп откри дека пливала до албанскиот остров Сазан, каде што со нејзиниот сопруг Џаред Кушнер моментално градат луксузен еко-ресорт вреден 1,4 милијарди долари.
Зборувајќи во подкастот на Дејвид Сенра таа објасни како за првпат го открила овој поранешен воен остров во Медитеранот.
Ви интервјуто таа вели дека се работи за
случајно откритие во кое додека биле на јахта со пријатели во близина на албанскиот брег, јахтата запрела во близина на островот за да се капат.
Иванка и нејзиниот сопруг решиле да препливаат од јахтата директно до островот Сазан кој е воен камп.
Таа раскажува дека откако допливале, пешачеле целосно боси до самиот врв на островот, каде што останале фасцинирани од недопрената природа и пејзажот. Ова искуство целосно ги мотивирало да го започнат мега-проектот.
Островот Сазан има површина од околу 1.400 хектари и со децении служел како изолирана воена база со бункери и подземни тунели. Преку фирмата на Кушнер, „Affinity Partners“, тие инвестираат за да го претворат местото во ултра-луксузна дестинација во соработка со светски познатиот бренд за хотели „Aman Resorts“.
Проектот се соочува и со силни протести од албански политички и еколошки организации кои се загрижени за заштитата на природната средина на островот и не сакаат израелска фирма да стопанисуваат со земјата во Сазан.
Протестите за островот Сазан во Албанија се организирани против изградбата на луксузен туристички комплекс од Џаред Кушнер (зетот на Доналд Трамп), поради загриженост за животната средина и блокирање на јавниот пристап до крајбрежјето.
Проектот го опфаќа ненаселениот остров Сазан (поранешна воена база) и заштитената крајбрежна област Вјоса-Нарта, што предизвика револт кај еколошките организации.
Локалните жители и туристите реагираат дека со почетокот на градежните активности се блокира слободниот пристап до плажите.
Демонстрантите досега се обидоа да ги урнат поставените огради на плажите и се судрија со приватното обезбедување на локациите.
Паралелно со протестите, албанското Специјално обвинителство (SPAK) отвори официјална истрага за законитоста на доделувањето на земјиштето и проектот поврзан со семејството Трамп.
Премиерот Еди Рама објаснува дека проектот нема да биде само Израелски туку и на фирма од Катар но засега не може да ги убеди демонстрантите.