Еден од најдобрите западни познавачи на Балканот, новинарот на весникот Зи Дојче Цајтунг Михаел Мартенс ја обвини косовската претседателка Вјоса Османи за вршење на интелектуална проституција.
Мартенс реагира на промоцијата на филмот ,,Меланија” за сопругата на американскиот претседател Доналд Трамп која ја организираше Османи во Приштина.
Османи пред изборите во САД му даде поддршка на кандидатот на Демократите Џо Бајден кој загуби од Трамп.
,,Дали некој некогаш му посочил на претседателот на Косово во заминување дека постои граница помеѓу претставувањето на легитимните интереси на сопствената земја и самодеградирачката интелектуална проституција? Г-ѓа Османи се чини дека не е свесна за оваа граница”, напиша Мартенс за Османи.
Предходно Османи објави дека филмот „МЕЛАНИЈА“ премиерно бил прикажан во Косово со огромен успех.
,,Здружувајќи уметници, ѕвезди и пријатели на Косово и САД за да доживеат смело прикажување на американското претседателско семејство и извонредното, влијателно лидерство на @FLOTUS @MELANIATRUMP. Водена од претседателката Османи, премиерата беше и прослава на сојузот меѓу Косово и САД: силен, траен и насочен кон иднината”, објави Османи.
На ова Мартенс пишува: ,,Додека претседателката на Косово очигледно мисли дека треба да го промовира плиток филм за плитката Прва дама, постои филм кој навистина заслужува внимание: „Срам и пари“ од Висар Морина, победник на овогодинешниот фестивал Санденс”.
Османи се уште не му одговорила на влијателниот германски новинар.
https://x.com/i/status/2017652577215619317
https://x.com/i/status/2017630033280409947