Како што се наведува во пресудата, Стојановска на 24 јули годинава во Улцињ, управувајќи автомобил „мерцедес“, најмалку двапати поминала со возилото преку куче од расата шарпланинец, сопственост на оштетениот. Кучето при тоа се здобило со повреди од кои угинало. При одмерувањето на казната, судот како олеснителни околности ги зел предвид нејзините семејни околности, фактот дека е мајка на две деца, од кои едното е малолетно, нејзината претходна неосудуваност, како и битно намалената пресметливост во моментот на извршувањето на кривичното дело.
Намалената пресметливост била утврдена врз основа на наод и мислење на вештак од медицинска област – психијатар. „Судот не најде околности, кои ја отежнуваат вината“, се наведува во пресудата. Судот оценил дека изречената казна е соодветна на тежината на кривичното дело, личноста на обвинетата и околностите, под кои било извршено, како и дека ќе ја постигне целта на казнувањето.
Од судот посочуваат дека казната претставува јасна општествена осуда за секој облик на мачење и убивање животни. Во казната од 45 дена затвор на Стојановска ќе ѝ биде засметано и времето поминато во притвор, почнувајќи од 24 јули 2026 година.