Регион

Вучиќ: Нема да има граѓанска војна во Србија

На бранот нови антивладини протести, српскиот претседател ги обвини демонстрантите за насилство и рече дека државата нема намера да ја вклучи војската

2 минути за читање

 

Српскиот претседател синоќа, нешто пред полноќ сеобрати до јавноста откако беа организирани протести во неколку градови низ Србија – особено во Нови Сад, Белград и Ниш – поради наводното насилство на поддржувачите на владејачката Српска напредна партија (СНС) врз граѓаните за време на претходните демонстрации во вторник вечерта во Врбас и Бачка Паланка.

Според Вучиќ, повеќе од 60 граѓани биле повредени во инцидентите во Нови Сад во среда вечерта. Тој додаде дека 16 полицајци биле повредени, меѓу кои двајца со сериозни повреди на вилицата и градите.

Српскиот претседател рече дека „се воспоставува контрола“ и дека поголем број полицајци ќе бидат на улиците.

„Вечерва е тешка вечер за граѓаните на Србија. Важно е што, благодарение на мудроста и трпението на огромен број граѓани, чудесно успеавме да го зачуваме мирот засега“, рече Вучиќ.

Со драматичен тон, тој потврди дека во Нови Сад „до пред неколку минути беше прашање дали околу 300 граѓани кои ја чуваа нивната куќа ќе преживеат“, алудирајќи на поддржувачите на СНС собрани пред седиштето на партијата во Нови Сад кои, според него, „се спротивставија на насилниците и блокадите“.

Спротивно на неговите изјави и оние на полицијата, демонстрантите тврдат дека всушност тие биле нападнати синхронизирано од поддржувачи на СНС, меѓу кои, како што наведуваат, има луѓе со „сомнително минато“, ангажирани да предизвикуваат инциденти и да провоцираат полициска интервенција.

Во близина на просториите на Српската напредна партија во Нови Сад, избувна судир меѓу поддржувачите на СНС и Александар Вучиќ и граѓани, а едно лице беше снимено со пиштол.

Демонстрантите тврдат дека на улицата ги довело политиката на владејачката партија и српскиот претседател Вучиќ, кои упорно одбиваат да воспостават владеење на правото, да ги регулираат институциите, да спроведат истрага и да ги изведат пред лицето на правдата сите одговорни за уривањето на настрешницата на железничката станица во Нови Сад на 1 ноември минатата година, кога загинаа 16 претежно млади луѓе.

Најновото во низата барања е распишување предвремени избори, што владата досега упорно одбиваше да го стори.

Протестите во неколку српски градови продолжија и по полноќ, објавија белградските медиуми.

Поврзани теми:

актуелно|протести|Србија|Вучиќ|Нови Сад

Повеќе на оваа тема:

Најнови вести од: Регион

Бугарите на протестите побараа оставка на Радев, нарекувајќи го „измамник“, „кукавица“ и „штетен за Бугарија“, а владата како „неспособна и криминална“!

Бугарската новинска агенција БТА објави: Антивладините демонстранти го блокираа сообраќајот на централните улици во Софија во саботата. На митингот се скандираше: „Оставка“ и „Ова не е Москва“! Граѓаните масовно бараа итна оставка од кабинетот на Радев само еден месец по неговото стапување на должност. На антивладините демонстрации во Софија вчера имаше транспоаренти со порака: „Чичо Румен, оди си со мир!“ „Целата влада на Радев е исткаена од грешки и како луѓе и како политичари. Грешки во надворешната политика, грешки во внатрешната политика, буџетот. Сè е ужасно. Ако Радев остане на власт, претпоставувам дека до зима во Бугарија ќе биде многу, многу лошо!“ – изјави еден демонстрант за Бугарското национално радио.

Илјадници на улиците во Софија, прв протест и „граѓански отпор“ против владата на „рускиот агент“ Радев, кои ја „одалечуваат Бугарија од европскиот пат“!

Во Софија синоќа се одржа првиот протест против владата на Румен Радев, при што илјадници граѓани излегоа на улиците изразувајќи незадоволство од политиките на актуелната власт, со посебен акцент на предложениот државен буџет и насоката во која, според нив, се движи државата. Организаторите упатија остри критики кон премиерот Радев, оценувајќи дека неговото владеење ја оддалечува Бугарија од европскиот пат. „Радев не е само бугарскиот Орбан. Тој е и бугарскиот Јанукович. Владеењето на ваквите руски агенти води кон војна ако не бидат соборени на време“, порачаа организаторите на протестот, пренесува бугарскиот медиум „Актуелно“.

Политико: Европската Унија планира постепена интеграција на идните членки преку економски бенефиции

Европската комисија работи на план што би им овозможил на земјите-кандидатки за членство во ЕУ пристап до одредени економски придобивки и пред формалниот влез во Унијата, изјавија неколку официјални претставници, објави денеска бриселскиот Политико.

И македонски државјанин дел од разбиен кокаински клан во Албанија

Во акцијата, издадени се налози за апсење на 10 лица, меѓу кои е и Сокол Бибај (43), еден од клучните членови на криминалната структура. Бибај се споменува и во аферата „Двојник“, кога македонските власти издавале македонски пасоши на познати криминалци од регионот и пошироко
Сите вести од Регион

Најнови вести

To top