Eкипата на EUROEDIL HOLDING се закити со сребрениот медал на големото финале на Red Bull Half Court 2025, кое во изминатите два дена се одржуваше во блескавиот Дубаи.
Под жешкото арапско сонце, нашите момци го минаа патот на вистински херои. По убедливите победи во групната фаза над репрезентациите на САД и Малдиви, и по тесниот пораз од Јужна Африка, тие со сигурност чекореа во нокаут-фазата. Таму прво падна Јапонија со 14:9, потоа Молдавија беше буквално „згасната“ со импресивни 19:4. Во финалето, по епска битка, Египет успеа да ги совлада нашите со минимална разлика и да го крене златниот пехар.
Екипата што го донесе најголемиот успех во историјата на македонскиот 3×3 баскет на светско ниво настапи во состав: браќата Елвис и Амар Хот и браќата-близнаци Карло и Паоло Блажевски – четворица воини кои докажаа дека срцето и талентот од Скопје можат да им парираат на најдобрите на планетата.