Победничката низа на Лина Ѓорческа, започната во Слобозија, кадешто триумфира, продолжи и на тенискиот турнир во Букурешт, кој се игра на земјени терени и за награден фонд од 60.000 американски долари, со пласманот во полуфиналето.
Најдобрата македонска тенисерка ја оправда фаворитската улога како четврта носителка и 239. на ВТА-листата во сингл со победата од 6-3, 6-3 над Лаура Хиетаранта (343.) од Финска по точно двца часа игра.
Последна пречка на 31-годишната тетовка до четвртото финале во низа по двете во Куршумлиска Бања и тоа во неделата во Слобозија утре ќе ѝ биде првата носителка Деспина Папамихаил (222.) од Грција, против која славеше во три сета на 13 август на турнирот во Србија.