Калин Ивановски се најде во идеалниот тим на Универзитетското тениско првенство на САД во сала како најдобар втор рекет и дебитант во изборот на тренерите на тимовите што учествуваа на турнирот во Далас.
Најдобриот македонски тенисер признанието го заслужи со тоа што во финалето против вториот носител Охајо Стејт му го донесе решавачкиот поен на осморангираниот Универзитет Тексас за тримфот од 4:2 и за првата шампионска титула по неуспехот во првиот обид во 2023 година.
Откако го пропушти осминафиналето поради повреда, Ивановски потоа ги доби сите три сингл-мечеви, вклучувајќи го и тој во финалето над Престон Стирнс со 7-5, 6-4, предизвикувајќи еуфорија меѓу соиграчите и навивачите:
Texas remporte le 1er titre NCAA Indoor de son histoire grâce à une victoire décisive du nouveau venu Kalin Ivanovski 🇲🇰 contre Preston Stearns 🇺🇸 !
Trop content pour Lucas Marionneau 🇫🇷, trop content pour Timo Legout 🇫🇷 qui a vécu ce moment même sans jouer.
Super tournoi ! 🔥 pic.twitter.com/MjxFMSIev4
— Keb Tennis (@KebTennis) February 18, 2026