Ракометната репрезентација на Македонија е најефикасниот изведувач на седмерци на 17. Европско првенство во Данска, Шведска и Норвешка.
Македонските ракометари успешно изведоа 14 од 15 удари од 7 метри или 93,3 проценти реализација на најстрогата казна.
Втора е Холандија со 92,3 отсто (12/13), а трета Швајцарија со 90,9 отсто (10/11).
Стопроцентно успешни во првата фаза на ЕП беа Грузија (8/8) и Црна Гора (7/7), но со (речиси) двојно помалку изведени седмерци од „црвено-жолтите“ во три одиграни натпревари, односно едноцифрен број обиди.