Исланд, Бахреин и Јапонија ќе ѝ бидат противници на машката ракометна репрезентација на Македонија во групата Х во Магдебург на јубилејното 30. Светско првенство во јануари в година во Германија.
Избраниците на селекторот Кирил Лазаров ќе стартуваат на 15 јануари против Јапонците, два дена подоцна ќе играат со Бахреинците и на 19 јануари ќе завршат со Исланѓаните, кои се носители на групата од која првите три селекции ќе продолжат во втората групна фаза.
Ако ја поминат групата во Магдебург, „црвено-жолтите“ ќе продолжат во Хановер, кадешто ќе ги одмерат силите со трите најуспешни од групата Г, во која Данска и Словенија се изразити фаворити против САД и Ангола. Термините за тие дуели се 21, 23 и 25 јануари.
Четвртфиналните мечеви ќе се одиграат на 26 и 27 јануари во Келн, кој ќе биде домаќин на завршницата, вклучувајќи го и финалето на 31 јануари.
This is how the story of the 2027 IHF Men's World Championship begins ⚡The preliminary round groups ⬇️#Germany2027 #wherehandballisalive pic.twitter.com/OMKHEdIgra
— International Handball Federation (@ihfhandball) June 10, 2026