Македонскиот фудбалски репрезентативец сезонава ја заокружи со двојна круна со Риека, откако четири дена по втората шампионска титула го освоија и шестиот Куп на Хрватска со победата од 1:0 во реваншот на свој терен со Славен Белупо на ексрепрезентативецот Илија Несторовски за вкупни 2:1 во финалето.
Централниот одбранбен играч роден пред 24 години во Кочани дојде во Риека од турска Адана во февруари годинава и се закити со два трофеја уште во првата полусезона од договорот до јуни 2027 година.
Манев за националниот тим на Македонија има 11 настапи и еден постигнат гол, во победата во Малта од 2:0 пред две години во квалификациите за Европското првенство 2024.