Свет

80 години од атомското бомбардирање на Хирошима

Вкупниот број на жртви од нападот на 6 август 1945 достигна околу 140.000, убиени не само од колосалната експлозија и облакот од оган, туку и подоцна од зрачење…

 

Во Јапонија утрово се одржа тивка молитва по повод 80 години од фрлањето на атомската бомба врз градот Хирошима.

Молитвата се одржа во 8:15 часот наутро, точно во моментот кога на 6 август 1945 година американскиот авион Енола Геј ја фрли бомбата јапонскиот град.

Јапонскиот премиер Шигеру Ишиба присуствуваше на церемонијата заедно со официјални лица од целиот свет.

„Јапонија е единствената нација што претрпела атомско бомбардирање во војна“, рече градоначалникот на Хирошима, Казуми Мацуи, во Меморијалниот парк за мир во градот.

Ураниумската бомба детонирана над Хирошима имала експлозивна моќност еднаква на 15.000 тони ТНТ. Уништила и изгорела околу 70 проценти од сите згради

Вкупниот број на жртви од нападот врз Хирошима достигна околу 140.000, убиени не само од колосалната експлозија и облакот од оган, туку и подоцна од зрачење, објави АФП.

Три дена подоцна, на 9 август, друга атомска бомба уби 74.000 луѓе во Нагасаки.

Империјална Јапонија се предаде на 15 август, со што заврши Втората светска војна.

 

Најнови вести од: Свет

Камала Харис остана без заштита од Тајната служба

Американскиот претседател Доналд Трамп издаде наредба за укинување на заштитата од Тајната служба за поранешната потпретседателка и кандидатка за претседател од Демократската партија, Камала Харис, објавија американските медиуми.

(Фото): Турист „почасти“ слон со пиво и предизвика бес во Африка

Се верува дека слонот на кој му го дал пивото е Бупа, пријателски мажјак со карактеристично оштетен заб. Бупа бил спасен во 1989 година и однесен во резерватот Ол Џоги, познат по рехабилитација на животни.

Ништо од средба помеѓу Путин и Зеленски

Германскиот канцелар Фридрих Мерц изјави дека директни преговори меѓу Владимир Путин и Володимир Зеленски се малку веројатни, и покрај упорните напори на администрацијата на Доналд Трамп да постигне мировен договор за Украина.

To top