Поранешната германска министерка за надворешни работи Аналена Бербок денеска е избрана за претседател на Генералното собрание на Обединетите нации по тајно гласање во Њујорк.
Таа доби 167 гласови, изјави досегашниот претседател Филимон Јанг.
Бербок, која беше единствениот кандидат за позицијата, изрази благодарност за изборот, истакнувајќи дека сака да биде „чесен посредник“ во име на Генералното собрание.
Таа ќе ја преземе претежно церемонијалната функција на инаугурацијата на 9 септември, непосредно пред годишната сесија на Генералното собрание, а нејзиниот мандат ќе трае една година.
Бербок е петтата жена што ќе ја извршува оваа функција откако ООН беше основана пред речиси 80 години.
Сите 193 земји-членки на ООН се претставени во Генералното собрание.