Перуанскиот бискуп Чиро Киспе Лопез (51) (Ciro Quispe Lopez) наводно имал 17 љубовници, а неговиот таен живот бил разоткриен откако некои од жените со кои имал афери дознале една за друга и речиси се степале, пишува „Тајмс“.
Бискупот му поднел оставка на папата Лав откако вистината излезе на виделина.
За време на истрагата на Ватикан, слугинката на бискупот открила сочни детали за тоа што се случувало во неговата спална соба. Како дел од истрагата, биле испрашани три љубовници.
„Една од љубовниците била калуѓерка. Таа била љубоморна на адвокатка со која бискупот исто така се гледал. Таа ѝ кажала на трета љубовница за аферата, која, пак, се степала со адвокатката“, открила Паола Угаз, перуанска адвокатка на која ѝ бил даден пристап до документ од Ватикан во кој се детализирани истрагата.
Таа го опишала тоа за „Тајмс“ како сапуница, но и како сериозна злоупотреба на моќ. „Многу од жените беа премногу исплашени да се јават, се плашеа од него“, рече таа.
Ватикан почна да истражува во случајот по истрагата на новинар за перуанскиот весник „Син Фронтерас“.
„Во април минатата година добивме информации дека една од наводните љубовници на бискупот практично се скарала со друга млада жена. Тоа беше поводот. Случајот излезе на виделина бидејќи жените открија дека бискупот излегува со неколку од нив истовремено, а тоа ги разбесни“, објави списанието.
Во Ватикан, наводно, проучувале љубовни аудио пораки, фотографии и видеа што бискупот им ги испраќал на жените.
Перуанскиот весник „Инфобае“ објави дека бискупот потврдил во порака дека имал секс дури и во неговата официјална резиденција.