Прелиминарниот извештај за падот на авионот на Ер Индија, во кој загинаа 270 луѓе минатиот месец, ја опишува конфузијата во пилотската кабина откако горивото во моторите беше прекинато од необјаснети причини, објави Ројтерс.
Речиси веднаш откако авионот полетал, снимките од црните кутии сведочат дека се активирал резервен извор на енергија, што укажува на губење на енергија од моторите.
Во последните моменти од летот, покажуваат снимките од кабината, едниот од пилотите го прашува другиот зошто го исклучил горивото.
Тој одговорил дека не го сторил тоа.
„Боингот 787-8 Дримлајнер со 242 лица, на пат кон британскиот аеродром Гетвик, почна да губи висина неколку секунди по полетувањето и се запали додека удри во згради на земја.
Тоа беше најлошата воздушна катастрофа во светот во последната деценија. Најмалку 270 тела се извлечени од местото на несреќата.
Само еден од 242 патници и членови на екипажот преживеа. Имаше и жртви на земја, бидејќи авионот удрил во студентски дом на медицински колеџ при падот.