Врховниот духовен лидер на ТибетДалај Лама, кој избега од земјата во 1959 година по неуспешното востание против кинеската власт, најави дека ќе го избере својот наследник.
Далај Лама рече дека неговиот наследник ќе се роди надвор од Кина и ги повика своите следбеници да го отфрлат секој што ќе го избере Пекинг.
Тибетските будисти сметаат дека просветлените монаси се реинкарнираат за да го продолжат своето духовно наследство.
Сегашниот, 14-ти Далај Лама ќе наполни 90 години во недела и рече дека ќе се консултира со постари монаси и други во овој момент за да сподели можни индиции за тоа каде би можел да се најде неговиот наследник, момче или девојче, по неговата смрт.
Тој претходно рече дека евентуално би можел да се реинкарнира во Индија, каде што живее во егзил во близина на северниот хималајски град Дарамшала.
За Далај Лама се вели дека бил откриен како реинкарнација на неговиот претходник кога имал две години.
Долма Церинг Теиханг, потпретседателка на тибетскиот парламент во егзил во Дарамшала, нагласи дека е важно светот директно да слушне од Далај Лама за неговиот наследник, бидејќи додека Кина „се обидува да го оцрни во секоја прилика… се обидува да создаде правила и прописи за тоа како да се справи со реинкарнацијата на Далај Лама“.
Според нејзините зборови, „Кина се обидува да ја освои оваа институција… за свои политички цели“.
Туптен Нгодуп, објасни дека ваквите дискусии за реинкарнација обично не се одвиваат кога монахот е сè уште жив, но работите сега се поинакви, главно затоа што „кинеската влада се меша“.
Пекинг во март изјави дека Далај Лама е политички егзилант кој „нема право да го претставува тибетскиот народ на кој било начин“.
Кина изјави дека е отворена да разговара за неговата иднина доколку тој признае дека Тибет и Тајван се неотуѓиви делови од Кина, предлог што тибетската влада во егзил го отфрли.