Бугарија го смета случајот против Љупчо Георгиевски, претседател на затворениот бугарски културен клуб „Иван Михаилов“ во Битола, за политички мотивиран процес, изјави министерот за надворешни работи Георгиев Георгиев за време на средбата со Георгиевски во Министерството за надворешни работи.
Според Георгиев, бугарската страна не верува во мотивите што беа објавени против Георгиевски и предметот на неговиот случа, јавува Њуз.бг.
За време на разговорот, бугарскиот шеф на дипломатијата изрази категорична поддршка на Бугарија за Георгиевски, против кого судот во Битолско изрече условна казна од една година со период од две години. Случајот против него се води во врска со неговите активности како претседател на здружението „Иван Михаилов“ – организација која беше предмет на остра реакција од властите во РСМ и последователно беше избришана“ потсетува Њуз.бг.
Министерот за надворешни работи беше категоричен дека Бугарија го смета случајот против Георгиевски за политички мотивиран процес. Тој исто така нагласи дека правото на самоопределување е фундаментален принцип на Европската Унија и не може да се доведе во прашање.
Од своја страна, Љубчо Георгиевски ѝ се заблагодари на бугарската држава за поддршката и додаде дека не ја прифаќа пресудата како срам, туку за него е „чест да биде суден како Бугарин кој ја брани бугарштината во Македонија“.
Георг Георгиев уште еднаш потсети дека бугарските институции остануваат непоколебливо посветени на гарантирањето на правата на Бугарите во Република Македонија, вклучително и преку користење на сите меѓународни механизми во областа на човековите права.