Свет

Израел го нападна Иран, Техеран најави одмазда

Нападот е дел од воената операција за која израелскиот премиер Бенјамин Нетанјаху рече дека имала за цел „неутрализирање на егзистенцијалната закана“ што ја претставува нуклеарната програма на Иран. Иранските медиуми известија за експлозии, вклучувајќи и во главниот објект за збогатување ураниум во Натанз, додека Израел прогласи вонредна состојба во очекување на одмазднички напади со проектили […]

2 минути за читање

Нападот е дел од воената операција за која израелскиот премиер Бенјамин Нетанјаху рече дека имала за цел „неутрализирање на егзистенцијалната закана“ што ја претставува нуклеарната програма на Иран.

Иранските медиуми известија за експлозии, вклучувајќи и во главниот објект за збогатување ураниум во Натанз, додека Израел прогласи вонредна состојба во очекување на одмазднички напади со проектили и дронови.

Иранската револуционерна гарда потврди дека во нападот загинал нејзиниот главен заповедник Хосеин Салами, а државните медиуми објавија дека било погодено седиштето на гардата во Техеран. Се додава дека во главниот град загинале и неколку деца.

Портпаролот на израелската војска изјави дека Иран лансирал повеќе од 100 беспилотни летала кон Израел во последните часови, откако Техеран се закани со одмазда за израелските напади.

Во исто време, беше потврдено дека околу 200 израелски борбени авиони учествувале во ноќните напади врз повеќе од 100 цели во Иран.

„Израел се соочува со тешки времиња“, рече портпаролот, според Ројтерс.

Иранскиот врховен водач ајатолахот Али Хаменеи кажа дека „Израел ја ослободил својата зла и крвава рака во злосторство против Иран“ и додаде дека ќе го снајде горчлива судбина.

Од израелската војска кажаа дека се погодени десетици нуклеарни и воени мети. Еден функционер изјави дека Иран имал доволно материјал да направи 15 атомски бомби.

Поврзани теми:

топ|Израел|напад|Иран

Повеќе на оваа тема:

Најнови вести од: Свет

Во Кина пробиена планина долга 22 километри и се изгради најдолгиот автопатски тунел!

Кина го пушти во употреба најдолгиот автопатски тунел во Азија, долг 22,13 километри, кој минува низ планините во покраината Гуиџоу. Тунелот „Тјаншан Шенгли“, со модерно осветлување и бетонска конструкција, веќе се смета за едно од најзначајните инженерски остварувања во регионот.

„Политико“: Пука обединетиот европски фронт против Трамп – се разоткриваат старите линии на внатрешниот расцеп во ЕУ

„Лидерите на ЕУ се подготвуваат за големи борби околу прашања, кои се движат од заеднички одбранбени проекти до економски реформи, но обидот за олабавување на зависноста на Европа од Америка на Доналд Трамп открива длабоки поделби меѓу 27-те земји на блокот. Обновената желба да се намали зависноста од Вашингтон ги исфрла на површина познатите несогласувања пред самитот на лидерите на ЕУ во четврток.“ – објави денес аналитичкиот портал за европски прашања „Политико“ од Брисел во анализата со наслов „Настојувањето на Европа да оди сама ги разоткрива старите линии на нејзиниот внатрешен расцеп и на грешките“.

Десет мртви и 27 повредени во оружен напад во средно училиште во Британска Колумбија, Канада

Десет лица се убиени, вклучувајќи го и напаѓачот, вчера, на 10 февруари, во оружен напад во средно училиште во градот Тамблер Риџ, во Британска Колумбија, во Канада. Во училиштето има 160 ученици од 7 до 12 одделение на возраст од 12-18 години. ‘Полицијата спречила оваа ужасна трагедија да стане уште полоша.’.  објавија властите. Би-Би-Си јави дека пукањето се случило околу 13:20 часот по локално време.

Хрватска: Калуѓерката лажела дека била напднта со нож од мигрант

Обвинителството бара казна од 10 месеци затвор за калуѓерката Т.З. (35), условна казна од три години, откако е обвинета за лажно пријавување кривично дело, бидејќи поднела кривична пријава против непознат напаѓач иако самата нанела повреди со нож

Урсула фон дер Лајен пред ЕП: Спремна сум да напредувам дури и без согласност на сите 27 членки

Претседателката на Европската комисија, Урсула фон дер Лајен, денеска во обраќањето пред Европскиот парламент во Стразбур ја истакна потребата од итно поедноставување и интеграција на пазарот на капитал во Европската Унија, со цел да се намали фрагментацијата и да се зајакне конкурентноста на европските компании во глобалниот контекст.

Најмалку девет убиени и 25 ранети во масовно пукање во училиште во Канада

Осомничениот напаѓач бил пронајден мртов по „самонанесена повреда“, соопшти полицијата. Според неофицијални податоци се работи за жена со кафеава коса облечена во фустан

Осомничениот беше опишан како жена со кафеава коса облечена во фустан

Макрон: Европа треба да се подготви за понатамошни судири со САД, кој се стреми кон распад на ЕУ!

Францускиот претседател Емануел Макрон денеска изјави дека Европа треба да се подготви за понатамошни судири со САД и оти неодамнешниот „гренландски момент“ треба да се сфати како повик за будење за спроведување на долго одложуваните економски реформи и зајакнување на глобалната моќ на Европската унија. Макрон оцени дека администрацијата на Трамп е „отворено антиевропска“ и оти се стреми кон „распаѓање“ на ЕУ.
Сите вести од Свет

Најнови вести

To top