Свет

Лавров: Средбата Путин-Трамп зависи од САД

Најавуваната средба на двајцата претседатели не е откажана туку „одложена“

 

Рускиот министер за надворешни работи Сергеј Лавров изјави дека изгледите за нова средба меѓу рускиот и американскиот лидер Владимир Путин и Доналд Трамп зависат од Вашингтон, кој првично предложи таква средба, а потоа ја одложи, пренесува Интерфакс.

„Значи, постои иницијатива и ние сме учтиви луѓе. Кога ќе бидеме поканети, ќе кажеме дека прифаќаме и ќе се договориме за формата, местото и времето. Американскиот претседател Трамп претходно изјави дека поканата се откажува.

Подоцна, Американците рекоа дека „откажување“ значи „одложување“. Значи, сè зависи од иницијаторот“, рече рускиот министер во интервју за YouTube каналот „Ultrahang““.

Во врска со неговите неодамнешни контакти со Рубио, тој нагласи дека неговиот американски колега „не спомнал нови средби или преговори“, а самиот Лавров „не го покренал ова прашање, бидејќи иницијативата дојде од Соединетите Американски Држави“.

„Подготвени сме да продолжиме напред со темпо што им одговара на Американците“, рече рускиот министер.

Москва ги негираше тврдењата дека планираната средба е откажана, но нагласи дека таквата средба мора внимателно да се подготви, изјави портпаролот на Кремљ, Дмитриј Песков

„Претседателите не можат да се сретнат само заради средбаа – не можат да си дозволат „да губат време. Затоа ги задолжија Лавров и (американскиот државен секретар Марко) Рубио да го подготват процесот. Тој е комплициран“, рече Песков.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top