Интересно е што Трамп ја спомена Марија Корина Мачадо Мачадо во објава на неговата социјална мрежа Truth Social во јануари.
„Венецуелската активистка за демократија Марија Корина Мачадо и новоизбраниот претседател Гонзалез мирно ги изразуваат гласовите и волјата на венецуелскиот народ додека стотици илјади демонстрираат против режимот.
Големата венецуелско-американска заедница во Соединетите Држави во огромно мнозинство ја поддржува слободна Венецуела и силно ме поддржа мене.
Овие борци за слобода не смеат да бидат повредени и МОРА да останат БЕЗБЕДНИ и ЖИВИ“, напиша Трамп на социјалните мрежи.
Венецуелските безбедносни сили го пресретнаа конвојот на Мачадо во јануари по антивладиниот митинг во Каракас и ја приведоа.
Сведоците во тоа време рекоа дека слушнале пукање и дека Мачадо била насилнопривдена.
Нејзиниот тим откри дека Мачадо била принудена да сними неколку видеа од нејзиното притворање пред да биде ослободена неколку часа подоцна. Инцидентот предизвика широка осуда низ Латинска Америка и пошироко.