Резолуцијата на Советот за безбедност беше усвоена со 13 гласа „за“, а Руската Федерација и Кина беа воздржани
Усвојувањето на резолуцијата им дава меѓународен легитимитет на акциите во Газа. Тоа е официјален план за управување, одобрен од највисокото тело на ОН, за идното управување и стабилизација на Појасот Газа, врз основа на американскиот предлог.
Американскиот проект предвидува формирање на привремено управно тело во рамките на палестинската енклава (Појасот Газа), наречено „мировен совет“, и создавање на меѓународни сили за стабилизација со мандат од 2 години.
Овој совет треба да ги преземе административните функции и да ја подготви Газа за идно постабилно управување.
Мировниот план започна со реципрочно ослободување на израелските заложници од страна на Хамас во замена за палестинските затвореници што ги држи Израел. По гласањето во ОН, сега може да се формира администрација во Газа под меѓународен надзор и може да се распореди странски воен персонал за да се гарантира стабилноста и да се помогне во разоружувањето.