Свет

Ова не е шведска маса: Шведска ќе ги скрати привилегиите на дојденците

„Реформата е насочена кон големите имигрантски семејства кои живеат од бенефиции со години, иако можат да работат“, изјави министерката за социјално осигурување Ана Тења

 

Според шведската коалициска влада од десниот центар, реформата презентирана во средата има за цел да се справи со зависноста на имигрантските семејства од бенефиции и недостатокот на интеграција, а исто така да испрати сигнал до надворешниот свет дека „веќе не можете да доаѓате во Шведска и да живеете од социјални бенефиции“.

Реформата се состои од три дела:

ограничување на износот на бенефициите,

бонуси за оние кои успеваат да најдат работа и

обврска за активност за оние кои живеат од бенефиции.

Ограничувањето на социјалните бенефиции најтешко треба да ги погоди големите семејства, почнувајќи од четвртото дете, објавува „Дагенс Нихетер“.

Министерката Тење го дава примерот на двајца родители во заедничко домаќинство со пет деца кои „примаат 46.500 круни (околу 4.500 евра) без данок“. Според неа, овие родители би можеле да работат, но не го прават тоа од различни причини.

„Не им се исплати да се префрлат од бенефиции на вработување, дури и ако двајцата почнат да работат. Но, со ограничувањето на бенефициите, износот е ограничен на околу 3.700 евра. Ова значи намалување на социјалната помош од околу 800 евра месечно“, вели Тење.

Ако наместо тоа се вработат во 2026 година, таквите луѓе ќе добијат бонус што ќе им го зголеми приходот.

Намалувањето на социјалната помош е особено насочено кон големите домаќинства, каде што, според министерот, „бенефициите се натрупуваат една врз друга“.

Според шведската влада, целта на реформата е да се справи со неуспешната интеграција и зависноста од бенефиции на кои се обратиле многу странски државјани.

Исто така, треба да биде „порака до другите мигранти кои сакаат да дојдат во Шведска за да го користат системот за бенефиции“.

Реформата на системот исто така значи дека од 1 јули 2026 година, сите општини ќе мора да бараат од корисниците на бенефиции да учествуваат во активности, како што се пракса или општествено корисна работа.

Друг дел од мерката за реформа на бенефициите е дека секој што ќе се пресели во Шведска по 1 јануари 2027 година ќе може да стекне право на социјално осигурување со тоа што ќе живее во Шведска пет години или ќе работи најмалку 12 од 24 месеци со плата поголема од 2.000 евра месечно.

Според лидерката на парламентарната група на Шведските демократи, Линда Линдберг, сегашната линија на бенефиции се отфрла и се поставуваат услови за мигрантите што доаѓаат во земјата.

„Шведска повеќе нема да биде з’шведска маса’ луѓе од целиот свет“, вели Линдберг, од крајно десничарските Шведски демократи, кои не се во владата, но ја поддржуваат во парламентот.

Најнови вести од: Свет

Урсула фон дер Лајен го преживеа гласањето за недоверба во Европскиот парламент

Европскиот парламент во Стразбур денеска со мнозинство гласови ги отфрли предлозите на крајната левица и десница за гласање недоверба на претседателката на Европската комисија, Урсула фон дер Лајен.

Снимен моментот кога Трамп дознава дека е постигнат договор за мир во Газа(ВИДЕО)

Американскиот претседател Доналд Трамп ненадејно ја прекинал прес-конференцијата во Белата куќа откако државниот секретар Марко Рубио му предал документ со рачно испишана белешка

Москва разгорува етнички судири: Купер во Белфаст нуди милионска помош против дестабилизација

Британската министерка за надворешни работи, Ивет Купер, ќе биде домаќин на состанокот на европски партнери за зајакнување на соработката против криминалот поврзан со миграциите и безбедносните предизвици во Западен Балкан.

Херцог: „Трамп заслужува Нобелова награда за мир“

Најдлабока благодарност до американскиот претседател за неговото извонредно водство во обезбедувањето на ослободувањето на заложниците, завршувањето на војната и создавањето надеж за нова реалност на Блискиот Исток, изрази израелскиот претседател

To top