Свет

Проиранскиот Хезболах влегува во војна со САД и Израел: Ќе ја преземеме нашата должност во соочувањето со агресијата

Проиранскиот Хезболах објави дека ќе влезе во војна и ќе се соочи со САД и Израел поради нивните напади врз Иран, главниот спонзор на милитантната организација. – Ќе ја преземеме нашата должност во соочувањето со агресијата, изјави лидерот на Хезболах, Наим Касем, додавајќи дека неговото движење нема да го напушти „полето на честа и отпорот“, објави „Тајмс оф Израел“.

1 минута за читање

Милитантната група не презеде никакви конкретни дејства, откако САД и Израел започнаа напади врз Иран. Исто така, не интервенираше за време на јунската војна меѓу Израел и Иран.

Хезболах организираше собир на илјадници луѓе во своето упориште во јужните предградија на Бејрут во знак на поддршка за Иран, додека либанските власти стравуваат дека би можел да се приклучи на конфликтот.

Либанскиот претседател Џозеф Аун, по вонредниот состанок на Врховниот совет за одбрана, изјави дека „одлуката за војна и мир припаѓа исклучиво на либанската држава“.

Израелските одбранбени сили (ИДФ) потврдија дека сирените за воздушен напад се огласиле во неколку области на северен Израел откако ракетата била лансирана од Либан. Деталите за лансирањето моментално се разгледуваат. Ова е прв пат Хезболах да испали ракети врз Израел од крајот на минатогодишниот конфликт на Блискиот Исток.

Поврзани теми:

актуелно|ескалација на војната во Иран

Најнови вести од: Свет

Кој ќе биде „газда“ на Гренланд?

Се очекува, Трамп да потпише договор чија цел е зголемување на военото присуство на САД на Гренланд и ограничување на присуството на геополитичките противници. Претставнициуте на Данска и на Гренланд се надеваат дека договорот ќе стави крај на претходните изјави на Трамп во кои тој сугерираше дека би можел да го преземе Гренланд со сила

(Видео): Отишол на училиште со ловџиска пушка и пукал – во Турција има ранети, напаѓачот е приведен

На социјалните мрежи се појавија првите видео снимки од напаѓачот кој со ловџиска пушка отвори оган во училиштето „Инчи Узмез“ во Маниса, на западот од Турција. Во инцидентот, според непотврдени информации, се повредени најмалку осум ученици, од кои еден е во критична состојба.
Сите вести од Свет

Најнови вести

To top