Благодарам, Ова е победа на луѓето кои веруваа дека Романија може да се промени во вистинската насока, изјави победникот на вчерашните избори и иден претседател на Романија, Никушор Дан.
Лидерот на крајната десница, Георге Симион, му честиташе на Никушор Дан за неговата изборна победа, признавајќи дека „ова беше волја на народот“.
Независниот кандидат Дан победи со околу 54% од гласовите, а кандидатот на крајната десница Георге Симион со околу 46%, на одлучувачките претседателски избори во Романија кои ја потресоа и поларизираа земјата. Ова го објави „Еуроњуз“.
Романските медиуми ја опишаа победата на Никушор Дан како „спектакуларен пресврт“ поради водството од 20 процентни поени на неговиот противник, Симион, во првиот круг.
Земјата на источното крило на НАТО го избра проевропскиот и про НАТО кандидат со масовна излезност обележана со страв и незадоволство, со што го поништи водството на Симион во првиот круг.
Влоговите никогаш не биле поголеми во посткомунистичката историја на Романија, бидејќи Романците гласаа во одлучувачкиот и поларизиран втор круг од претседателските избори, во кој се соочија центристот Никушор Дан со националистот Георге Симион.
Излезноста на гласачите во Романија е 64,7%.
По победата на Дан, илјадници Романци излегоа на улиците на главниот град Букурешт за да слават. Некои од нив мавтаа знамињата на Романија и на Европската Унија, други носea маички со натпис „Не беше лесно, но Нику[ор победи“ и скандираа – „Имаме претседател“.