Свет

Радев: Мислите ли дека Путин ќе ги отстапи Крим и другите области?

Светот се соочува со дилема – дали да се помири и да ги признае украинските територии окупирани од Русија, или да се брани меѓународното право, што би довело до Трета светска војна. Ова го изјавил во интервју за CNN бугарскиот претседател Румен Радев. Како што објави бугарски „Сега“ во ниту еден момент Радев не ја […]

Светот се соочува со дилема – дали да се помири и да ги признае украинските територии окупирани од Русија, или да се брани меѓународното право, што би довело до Трета светска војна.
Ова го изјавил во интервју за CNN бугарскиот претседател Румен Радев.

Како што објави бугарски „Сега“ во ниту еден момент Радев не ја осудил руската агресија и не го признава правото на Украина да се брани.

На прашањето како да се постигне прекин на огнот и мирно решение кое нема да биде од корист за руската агресија, Румен Радев уште еднаш нагласи дека меѓународната заедница „лета“ кон исклучително тешка политичка и морална дилема.

„Американците ја нарекуваат оваа војна „војна со чизми на копно““, рече претседателот, цитиран од неговиот прес-центар. Ова е битка за секој сантиметар територија, а најважниот фактор во неа не е оружјето, туку луѓето.

Спорд Радев проблемот е што се приближува моментот кога Украина може да остане без луѓе кои ќе се борат за неа.

„Од друга страна, дали мислите дека Русија некогаш ќе го отстапи Крим и другите области?“, праша претседателот, додавајќи дека има две опции.

Првата е да се помириме со фактот дека во 21 век териториите можат да бидат освоени со сила и да заборавиме на меѓународното право и Повелбата на ОН.

Другата е да испратиме трупи на НАТО да ја бранат Украина и да ја вратат Русија назад кон нејзините граници од 1991 година, што би значело трета светска војна со разорни, најверојатно нуклеарни последици.

„Ова е најголемата дилема“,оценил Радев.

Според шефот на бугарската држава, постојат три инструменти за влијание врз мировниот процес: војска, економски санкции и дипломатија, а целосниот потенцијал на дипломатијата сè уште не е мобилизиран.

Тој силно ги поддржува напорите на претседателот Трамп. „Верувам дека тој е прагматичен бизнисмен кој не го прифаќа уништувањето од која било војна, а моето разочарување е што претседателот Трамп сè уште не наоѓа доволно поддршка во Европската Унија за неговите мировни напори“, рече Румен Радев.

Тој додаде дека некои европски лидери одбиваат да ја прифатат реалноста на бојното поле, а тоа е исто така голем проблем.

Како одговор на прашањето за новите санкции што ЕУ ги воведе врз Русија поради војната во Украина, Румен Радев вели дека Кина има најголема корист од политиката на санкции против Русија, бидејќи има корист од евтините руски енергетски ресурси и пристапот до воени технологии.

Со повлекувањето на своите компании од Русија, ЕУ го отвори големиот руски пазар за компании од Кина, а според Радев, санкциите ги врзуваат Русија и Кина уште посилно.

Најнови вести од: Свет

Германија и Франција заедно ќе развиваат нова генерација на тенкови

Франција и Германија денес издадоа заедничка декларација во која ги објавија плановите за зајакнување на соработката во областа на безбедноста, вклучително и предлог за воспоставување механизам за рано предупредување при ракетни напади.

Макрон: Путин е чудовиште кое мора да продолжи да јаде

Францускиот претседател Емануел Макрон издаде остро предупредување до европските лидери да не му веруваат на рускиот претседател Владимир Путин за време на интервју за француската телевизија „LCI“ минатата недела.

Турција ги затвара пристаништата и воздушниот простор за Израел , на повидок нов конфликт

Турција воведе строги мерки кон Израел, затворајќи ги своите пристаништа за израелски бродови и забранувајќи го воздушниот простор за израелски воени и државни авиони, како одговор на конфликтот во Појасот Газа.

Камала Харис остана без заштита од Тајната служба

Американскиот претседател Доналд Трамп издаде наредба за укинување на заштитата од Тајната служба за поранешната потпретседателка и кандидатка за претседател од Демократската партија, Камала Харис, објавија американските медиуми.

To top