Свет

САД го продолжи царинското „примирје“ со Кина за уште 90 дена

Во спротивно американските царини за кинески стоки ќе скокнат на 145%, а кинеските ќе достигнат 125%.

Американскиот претседател  потпиша извршна наредба со која се продолжува паузата на значително повисоките американски царини за кинескиот увоз за уште 90 дена, објави Ројтерс.

Царинското примирје меѓу Пекинг и Вашингтон требаше да истече денеска , 12 август, но администрацијата на Трамп навести дека рокот може да се продолжи.

Неколку часа претходно, Трамп избегна прашање дали ќе го продолжи рокот од 12 август за повисоки американски царини за кинески стоки.

„Ќе видиме што ќе се случи“, рече тој на 11 август, фалејќи  ја соработката на Кина во преговорите со САД.

„Како што веројатно сте слушнале, тие плаќаат огромни царини на Соединетите Американски Држави“, рече Трамп на прес-конференцијата во Белата куќа. „Тие се однесуваат доста добро кон нас“, рече тој, додавајќи дека има добри односи со кинескиот претседател Си Џинпинг.

„Примирјето“ меѓу Пекинг и Вашингтон истекува на 12 август, но администрацијата на Трамп навести дека рокот може да се продолжи.

Доколку тоа не се случи, американските царини за кинески стоки ќе скокнат на 145%, а кинеските ќе достигнат 125%.

Во мај, двете земји прогласија примирје во нивниот трговски спор по разговорите во Женева, Швајцарија, согласувајќи се на период од 90 дена за да се овозможат понатамошни преговори.

 

Најнови вести од: Свет

Белгија ќе ја признае Палестина, најавени санкции против Израел

Белгија ќе ја признае државата Палестина на седницата на Генералното собрание на Обединетите нации (ГСОН) овој месец и ќе воведе пакет од 12 санкции против Израел, објави белгискиот министер за надворешни работи и вицепремиер Максим Прево.

Трамп ќе го одликува Руди Џулијани со „медал на слободата“

Американскиот претседател Доналд Трамп синоќа соопшти дека ќе му го додели Претседателскиот медал на слободата, највисокото цивилно признание во САД, на поранешниот градоначалник на Њујорк, Руди Џулијани.

Започнува судскиот процес против Болсонаро , обвинет за обид за пуч

Врховниот суд на Бразил денеска ќе започне со сослушувањата во случајот против поранешниот претседател Жаир Болсонаро, обвинет за обид за државен удар по победата на неговиот наследник, левичарот Луис Инасио Лула да Силва, на изборите во 2022 година.

To top