Свет

Сијарто се закани: Додека Орбан е на власт, Украина нема да се приклучи на ЕУ

Украина нема да стане членка на Европската Унија сè додека владата на премиерот Виктор Орбан е на власт во Унгарија, изјави унгарскиот министер за надворешни работи Петер Сијарто.

1 минута за читање

Според него, „Брисел е свесен дека можното соборување на унгарската влада би влијаело и врз позициите на другите земји-членки“.

Сијарто рече дека откако Унгарија стави вето на 20-тиот пакет санкции против Русија, „три европски земји веднаш сфатија дека ниту тие не се согласуваат со него“. Сепак, тој тврди дека „кога Будимпешта не го користи своето вето, се создава илузија за единство меѓу земјите-членки на ЕУ“. „Ако останеме на власт, нема да се согласиме на целосно бесмислени механизми за финансиска поддршка, ниту ќе дозволиме нашите пари да бидат однесени во Украина. Веруваме дека унгарските пари треба да останат во Унгарија… И тие исто така знаат дека ако останеме, Украина нема да биде членка на ЕУ“, рече Сијарто.

На крајот на февруари, Унгарија стави вето на 20-от пакет санкции на ЕУ против Русија и доделувањето воен заем за Украина во износ од 90 милијарди евра. Како причина беше наведено прекинувањето на транзитот на руска нафта преку нафтоводот „Дружба“ низ украинска територија. Сијарто тогаш изјави дека „украинската страна одбила да го продолжи транзитот од политички причини“. Словачка, исто така, оцени дека „новите санкции на ЕУ би можеле да му наштетат на мировниот процес“.

Поврзани теми:

Петер Сијарто|членство во ЕУ|Украина|актуелно|еу|Унгарија|Виктор Орбан|Словачка

Повеќе на оваа тема:

Најнови вести од: Свет

Силна експлозија пред американската амбасада во Осло

Силна експлозија денеска одекна пред зградата на амбасадата на САД во главниот град на Норвешка, Осло, предизвикувајќи помала материјална штета, но без жртви и повредени, соопшти норвешката полиција. Експлозијата се случила во комплексот на американската дипломатска мисија во западниот дел на Осло околу 1:00 часот по локално време.

Се шири воениот судир во Иран: Израел напаѓа негови енергетски објекти, Иранците тврдат оти се подготвени за шестмесечно војување

Израелската офанзива врз Иран влезе во нова фаза, во која како цели се наведуваат енергетските ресурси во земјата. На социјалните мрежи се појавија снимки на кои се гледаат огнени експлозии и густ чад над Техеран. На една од снимките, направена од автомобил во движење низ градска улица, се гледа како големи облаци чад се издигнуваат над делови од иранската престолнина. Снимките беа објавени откако Израелските одбранбени сили соопштија дека погодиле „неколку комплекси за складирање гориво“ во Техеран.

(Видео) Ноќеска најголемите досега бомбардирања на Иран – Трамп ја најавува следната цел „специјална Куба“?!

Силни експлозии се слушнаа во Техеран во текот на изминатава ноќ, на 6-ти спроти 7 март 2026 година. Нападите продолжија до раните утрински часови денес. Ова е осми ден од воените дејства во Иран и веќе пошироко на Блискиот Исток. Беше погоден аеродоромот Мехрабад. Воздушни напади беа пријавени и во други ирански градови. „Беа чуени огромни експлозии и беа забележани големи пожари низ Техеран, додека во американско-израелските напади беа погодувани цели во иранскиот главен град од синоќа, до ова саботно утро.“ – објави „Ал Џазира“ утринава. Американскиот министер за финансии Скот Бесент рече дека ноќта била обележана со најголемата кампања на бомбардирање во Иран, насочена кон системи за лансирање ракети и фабрики.
Сите вести од Свет

Најнови вести

To top