Во објавата на „Општествена вистина“ од 14 часот Трамп денеска дополнува: Сепак, сега кога имаме ЦЕЛОСНА и ТОТАЛНА ПРОМЕНА НА РЕЖИМОТ, каде што преовладуваат различни, попаметни и помалку радикализирани умови, можеби може да се случи нешто револуционерно прекрасно, КОЈ ЗНАЕ? Ќе дознаеме вечерва, во еден од најважните моменти во долгата и сложена историја на светот. Четириесет и седум години изнудување, корупција и смрт конечно ќе завршат. Бог да го благослови големиот народ на Иран!
Трамп му се закани на Иран дека „ќе живее во пекол“, ако денес до 20 часот не се постигне договор за повторно отворање на Ормускиот теснец, клучна поморска рута низ која минува околу една петтина од светската нафта.
Во претходна објава на неговата општествена мрежа Трамп порача дека „времето истекува“, што е најнова во низата закани откако САД и Израел кон крајот на февруари започнаа напади врз Иран. Тој со невидена жестина се закани дека „ќе ги уништо сите ирански електрани и мостови, ако биде потребно“.
Техеран практично го затвори Хормускиот теснец, со што сериозно се наруши снабдувањето на глобалниот енергетски пазар. Хормускиот теснец е една од најважните енергетски артерии во светот, а неговата блокада веќе има значително влијание врз глобалните пазари на нафта и гас.