15-годишно палестинско момче почина откако беше згмечено од палета со помош за време на воздушен доставување помош од воздух за жителите на Газа.
Трагедијата се случува во услови на растечка глобална осуда на планот на Израел да го преземе најголемиот град во воено разурнатата енклава, која е дом на речиси еден милион луѓе, објави Ал Џезира.
Снимките од Газа, потврдени од Ал Џезира, ги прикажуваат ужасните сцени во саботата во близина на коридорот Нецарим во централна Газа.
Луѓе се собрале околу телото на Муханад Закарија Еид, обидувајќи се да го реанимираат.
Други снимки го покажуваат неговиот брат како го носи од местото на несреќата, а неговиот татко го држи неговото тело во болницата Ал-Авда во Нусејрат.
Неговиот брат потврди за Ројтерс дека момчето било убиено од палета со помош доставена оо воздух.
„И покрај гладот и тешките услови во кои живееме, мојот брат отиде да ја земе помошта што ја фрлаа авионите во морето. Товарот падна директно врз него и тој стана маченик“, рече тој.
Трагедијата доаѓа откако Обединетите нации постојано предупредуваа дека воздушните транспорти се опасни, неефикасни и скапи, и го повикаа Израел наместо тоа да дозволи континуирана испорака на хуманитарна помош во Газа преку копнени премини.
Владината канцеларија за медиуми во Газа соопшти дека најмалку 23 Палестинци се убиени, а 124 други се ранети за време на воздушните транспорти од почетокот на израелската војна во октомври 2023 година, објави Ал Џезира.