Американскиот претседател поднесе тужба против „Њујорк тајмс“, четворица од неговите новинари и издавачот „Пингвин Рендом Хаус“, барајќи најмалку 15 милијарди долари отштета за клевета и нарушување на угледот, според поднесокот до судот во Флорида, цитиран од „Ројтерс“.
Во тужбата се наведуваат низа статии од „Њујорк тајмс“, вклучувајќи го и уредничкиот текст пред изборите во 2024 година во кој се тврди дека Трамп е „неспособен за функција“, како и книгата „Среќниот губитник: Како Доналд Трамп го потроши богатството на својот татко и ја создаде илузијата за успех“, објавена во 2024 година од издавачот „Пингвин“.
„Обвинетите злонамерно ја објавија книгата и статиите свесно содржејќи скандалозни лажни претставувања и измислици за претседателот Трамп“, се вели во документот поднесен во Окружниот суд на САД за Флорида.
Адвокатите на Трамп тврдат дека публикациите му наштетиле на неговиот деловен и личен углед, вклучително и вредноста на акциите на „Трамп Медиа енд Технолоџи Груп“ (TMTG), кои нагло паднаа.