Доналд Трамп размислува да ја прекласифицира марихуаната како помалку опасна дрога, објави „Волстрит џурнал“ во петокот, повикувајќи се на луѓе запознаени со ова прашање, пренесува Гардијан .
На настанот за собирање средства каде присуство чинело „1 милион долари од чинија“ во неговиот голф клуб во Њу Џерси претходно овој месец, Трамп им рече на присутните дека е заинтересиран да направи таква промена, изјавија за весникот луѓето, кои одбија да бидат именувани.
Прекласификацијата, за отстранување на марихуаната од листата на контролирани супстанции од прв ред и нејзино прекфалифицирање во дрога од трет ред, беше предложена од администрацијата на Бајден, но не беше донесена. Промената би го олеснила купувањето и продажбата на марихуана и би ја направила легалната индустрија од повеќе милијарди долари попрофитабилна.
Меѓу гостите на настанот за собирање средства на Трамп беше Ким Риверс, извршен директор на „Трулив“, една од најголемите компании за марихуана, која го охрабри Трамп да продолжи со промената и да ги прошири истражувањата за медицинска марихуана, се вели во извештајот.