Свет

Трамп сака да гради база на Месечината

Ѝ наложи на НАСА да овозможи комерцијален транспорт до Месечината и комерцијален роботски пристап до Марс, како и да истражи комерцијални опции за испраќање луѓе на Марс

 

Доналд Трамп вчера потпиша меморандум со кој се стреми значително да го зголеми бројот на комерцијални вселенски лансирања од Соединетите Американски Држави. Документот предвидува низа мерки што треба да ги спроведат американските владини агенции. Белата куќа сака да овозможи најмалку 1.000 лансирања и враќања од вселената годишно до 2030 година.

Трамп, исто така, сака да врати американски астронаути на Месечината до 2028 година.
Меморандумот ѝ наложува на НАСА да овозможи комерцијален транспорт до Месечината и комерцијален роботски пристап до Марс и да истражи комерцијални опции за испраќање луѓе на Марс.

Директорот на Канцеларијата за наука и технологија на Белата куќа, Мајкл Крациос, рече дека новата национална политика за вселенски транспорт реагира на момент на експлозивен раст и ја позиционира Америка како лидер на следната ера на истражување на вселената.

Крациос додаде дека новата национална политика предвидува пристап кој е првенствено комерцијален и кој би им овозможил на Американците да се вратат на Месечината до 2028 година,до 2030 да ги распоредат првите елементи на лунарната база и да имаат брз и отпорен капацитет за лансирање за цели на националната безбедност, пишува Ројтерс

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top