Свет

Трамп: Што барам во Истанбул ако таму не е Путин

Актуелниот американски претседател Доналд Трамп изјави дека можеби ќе оди во Истанбул доколку денешните мировни преговори за Украина постигнат напредок. Зборувајќи од Катар, за време на четиридневната турнеја на Блискиот Исток, Трамп рече дека се надева оти Русија и Украина ќе можат да постигнат договор бидејќи војната мора да престане. „Би сакале да видиме крај […]

Актуелниот американски претседател Доналд Трамп изјави дека можеби ќе оди во Истанбул доколку денешните мировни преговори за Украина постигнат напредок.

Зборувајќи од Катар, за време на четиридневната турнеја на Блискиот Исток, Трамп рече дека се надева оти Русија и Украина ќе можат да постигнат договор бидејќи војната мора да престане.

„Би сакале да видиме крај на војната и мислам дека имаме шанса тоа да се случи“, додаде Трамп.

Зеленски се упатил кон Истанбул, но како што е најавено, ниту Путин ниту Трамп нема да бидат таму.

Кремљ вчера ги откри членовите на делегацијата што ќе учествува во директните преговори со Украина, но меѓу нив не се споменува претседателот Владимир Путин.

Руската делегација ќе ја предводи претседателскиот советник Владимир Медински, а ќе бидат и заменик-министерот за надворешни работи Михаил Галужин и заменик-министерот за одбрана Александар Фомин, според списокот објавен од Кремљ.

Трамп рече дека ќе дојде – ако дојде Путин.

Трамп во врска со очигледното отсуство на Путин на преговорите изјави:

„Зошто Тој би одел, ако јас не одам? Дури и не помислив дека е можно Путин да оди ако јас не сум таму“, одговори Трамп.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top