Свет

Трамп забрани американски туристи да патуваат во Куба

Кубанскиот мининистер за надворешни вели дека тоа е „кривично дело и кршење на човековите права на целата нација“

Американскиот претседател Доналд Трамп денес потпиша меморандум со кој се воведува строга американска политика кон комунистичка Куба и се поништуваат мерките наметнати од поранешниот американски претседател Џо Бајден.

Со него ќе се воведе законска забрана за американски туризам во Куба, а воедно ќе се одржи економското ембарго врз земјата, соопшти Белата куќа.

Иако Американците не можат да ја посетуваат Куба за одмор, патувањето е дозволено за активности, вклучително и образовни или хуманитарни патувања.

Во еден од своите први потези по преземањето на функцијата во јануари, Трамп, делумно го ограничи влезот на луѓе од Куба.

Новиот меморандум „ја спроведува забраната за американски туризам во Куба и обезбедува усогласеност преку редовни ревизии и задолжително водење евиденција за сите трансакции поврзани со патувања најмалку пет години“, според соопштението за медиумите на Белата куќа.

Исто така, го поддржува економското ембарго врз Куба и се спротивставува на повиците во Обединетите нации и другите меѓународни форуми за негово прекинување.

Кубанскиот министер за надворешни работи, Бруно Родригез, објави на социјалната мрежа X дека „претседателскиот меморандум против Куба објавен од американската влада ја зајакнува агресијата и економската блокада што го казнува целиот кубански народ и е главна пречка за нашиот развој“. „Тоа е кривично дело и кршење на човековите права на целата нација“, рече тој.

Најнови вести од: Свет

Белата куќа со реакција на шегата на Рама за Трамп

Телевизијата „Топ њуз“ пренесува реакција од Белата куќа по шегата на албанскиот премиер Еди Рама за претседателот Доналд Трамп, направена во присуство на францускиот претседател Емануел Макрон и азербејџанскиот претседател Илхам Алиев.

Данска предлага ЕУ да воведе построги мерки за онлајн заштита на малолетници

На неформалниот состанок на министрите за телекомуникации на ЕУ, закажан за 9-10 октомври во данскиот град Хорсенс, Данска како претседавач со Советот ќе предложи пакет мерки за зајакнување на заштитата на малолетниците во дигиталниот простор

To top