Свет

Уапсена е Федерика Могерини, осомничена е за корупција и измама

Федерика Могерини, поранешна висока претставничка за надворешна политика и поранешна шефица на Европската служба за надворешна акција (EEAS) е уапсена денеска во Брисел како дел од истрага за измама во која беа вклучени Колеџот на Европа и Европската служба за надворешна акција, објавија белгиските медиуми.

3 минути за читање

Федерика Могерини, поранешна висока претставничка за надворешна политика и поранешна шефица на Европската служба за надворешна акција (EEAS) е уапсена денеска во Брисел како дел од истрага за измама во која беа вклучени Колеџот на Европа и Европската служба за надворешна акција, објавија белгиските медиуми.

Могерини моментално е ректор на Колеџот на Европа, а претходно беше висока претставничка на ЕУ за надворешна политика.

Во акцијата е уапсен и највисокиот дипломат Стефано Санино.

Како што објави Политико претходно денеска, белгиските власти приведоа тројца осомничени и извршија рации во Европската служба за надворешна акција (EEAS) и Колеџот на Европа поради наводна измама за време на основањето на академија за обука на дипломати.

Претресите беа спроведени на барање на Канцеларијата на европскиот јавен обвинител (EPPO) и со одобрение на белгиската полиција, а се одржаа во EEAS во Брисел, во зградите на Колеџот на Европа во Бриж и во приватни домови.

Европската служба за надворешна акција (EEAS) е крило на ЕУ за надворешна политика, а до 2019 година, тоа тело го водеше поранешната потпретседателка на Европската комисија, Федерика Могерини.

Таа е ректор на Колеџот на Европа, место за обука на идните функционери на ЕУ, од 2020 година.
Белгискиот весник „Л’Ехо“ објави дека Могерини е во притвор, но Колеџот одби да коментира.

Канцеларијата на европскиот обвинител соопшти дека има „силни сомневања“ дека правилата за „фер конкуренција“ биле прекршени кога ЕЕАС го доделила тендерот за основање дипломатска академија во Колеџот на Европа.

Истрагата се фокусира на тоа дали колеџот бил информиран за критериумите за избор на тендерската постапка пред да се објави официјалното известување.

Службеник на ЕЕАС, кој зборуваше под услов да остане анонимен, рече дека претресите биле извршени во административна зграда во Брисел, а не во главната зграда на кружниот тек на Шуман.

Вработените биле замолени да ги напуштат просториите и да ги остават вратите и мебелот од своите канцеларии отклучени.

Висок функционер на ЕУ изјави за „Политико“ дека рациите се поврзани со истрага што започнала пред Каја Калас да ја преземе функцијата шеф на одделот за надворешна политика на блокот.

Портпаролката на Европската комисија, Анита Хипер, потврди дека денеска полицијата извршила рација во ЕЕАС како дел од „тековната истрага за активностите што се случиле… во претходниот мандат“, што значи пред претседателката на Комисијата, Урсула фон дер Лајен, да биде повторно назначена во декември 2024 година.

Поврзани теми:

избор|еу|Белгија|Брисел|Федерика Могерини|Европска служба за надворешна акција|EEAS

Повеќе на оваа тема:

Најнови вести од: Свет

Балкански дух во Виена: Ферарито слета на балкон (ВИДЕО)

Виена неодамна беше сведок на вистински урбан спектакл: црвено „летечко Ферари“ SF90 Stradale вредно 400.000 евра, со помош на огромен кран, беше подигнато на балконот од стан во новоизградената зграда во кварт Флоридсдорф.

Сијарто: Не постои проруска, туку исклучиво „проунгарска“ политика

Унгарија е практично единствената европска земја што може да разговара со сите главни играчи во светската политика. Ова е огромна предност, а не недостаток, вели шефот на унгарската дипломатија

Орбан со честитка до ВМРО-ДПМНЕ: Ја поставивте вашата татковина на патот на стабилен, предвидлив и безбеден развој

„Им честитам на сите членови и активисти на ВМРО-ДПМНЕ за навистина неверојатните достигнувања што ги постигнавте во изминатите две години“, вели во чститка унгарскиот премиер

Кадиров: Украина брзо ќе го добие мојот личен „подарок“

За нападот на украински дрон врз една од зградите во комплексот Грозни-Сити Кадиров вели дека таквите акции не се ништо повеќе од обиди за заплашување на цивилното население и создавање илузија за притисок

Орбан: ЕУ се дави во корупција – од Могерини до украинскиот Енергоатом скандал(ВИДЕО)

Унгарскиот премиер Виктор Орбан остро ја критикуваше Европската Унија, тврдејќи дека „се дави во корупција“, во контекст на истрагата за наводни злоупотреби во проект финансиран од ЕУ за обука на млади дипломати.
Сите вести од Свет

Најнови вести

To top