Свет

Унгарскиот премиер Виктор Орбан е спремен да биде домаќин на Трамп и Путин

Планираната средба (во Будимпешта) меѓу американскиот и рускиот претседател е голема вест за мирољубивите луѓе ширум светот. Подготвени сме!, напиша премиерот на Унгарија откако американскиот претседател Доналд Трамп по двочасовниот телефонски разговор со рускиот претседател најави дека ќе има средба.

1 минута за читање

Унгарскиот премиер Виктор Орбан се огласи за планираната средба меѓу Владимир Путин и Доналд Трамп во Будимпешта.

  • „Планираната средба меѓу американскиот и рускиот претседател е голема вест за мирољубивите луѓе ширум светот. Подготвени сме!“, напиша тој на Икс.

Претходно, американскиот претседател Доналд Трамп изјави дека е постигнат значаен напредок во телефонскиот разговор со рускиот лидер Владимир Путин кој траеше безмалку 2 часа.

Од друга страна, Кремљ излезе со соопштение во кое се вели дека Путин јасно го предупредил Трамп за опасноста од можната испорака на ракети Томахавк во Украина.

Ракетите Томахавк со долг дострел се очекува да бидат тема на разговор и утре меѓу Трамп и украинскиот претседател Володимир Зеленски во Вашингтон.

Поврзани теми:

средба|Русија|мир|Орбан|Будимпешта|Украина|војна|САД|топ

Повеќе на оваа тема:

Најнови вести од: Свет

Невина сум и имам доверба во судскиот процес, рече Могерини

Могерини, заедно со уште двајца високи италијански функционери, е обвинета за измама, корупција, конфликт на интереси и оддавање професионална тајна, во врска со доделување на програмата за обука на млади дипломати на Колеџот на Европа, каде што Могерини е ректор.

Гутереш: Крајот на војната во Украина мора да биде во согласност со меѓународното право

Постојат силни причини да се верува оти во војната меѓу Израел и палестинските милитанти од Хамас се извршени воени злосторства. Во однос на американските напади врз бродови во близина на Венецуела, Гутереш оцени дека тие не се во согласност со меѓународното право.

Пекинг бара од САД да прекинат целосна комуникација со Тајван

Кина цврсто се спротивставува на каква било форма на официјална комуникација меѓу САД и кинескиот регион Тајван и го повикува Вашингтон веднаш да ги прекине таквите контакти и да не испраќа погрешни сигнали до силите што се залагаат за независност на Тајван, изјави денеска портпаролот на кинеското Министерство за надворешни работи, Лин Џиан.

Скандалот со тендерот на ЕУ е една од најголемите кризи во Брисел, се тресе и столчето на Урсула фон дер Лајен

Синдикатите на вработените во ЕУ предупредуваат дека евентуалното потврдување на обвинувањата би предизвикало „катастрофална штета“ по репутацијата на Унијата. Четворица високи функционери, цитирани од „Политико“, велат дека скандалот дополнително ќе ги затегнува односите меѓу Фон дер Лајен и сегашната висока претставничка Каја Калас.
Сите вести од Свет

Најнови вести

To top