Во рамките на генералниот секретаријат на Европската комисија, под директно раководство на претседателката Урсула фон дер Лајен, започнува формирањето на ново разузнавачко тело, чија цел е поефикасно искористување на податоците собрани од националните разузнавачки служби, објави денеска угледниот „Фајненшл тајмс“.
Оваа единица ќе вработува искусни службеници од целокупната разузнавачка заедница на Европската Унија. Таа ќе се фокусира на собирање и анализа на разузнавачки информации за заеднички стратешки цели, како што дознава весникот од четири извори добро запознаени со плановите.