Свет

Воена состојба во Пакистан: Талибанска сенка над Исламабад уби најмалку 12 лица(ВИДЕО)

Бомбаш самоубиец утрово уби најмалку 12 лица пред судница во пакистанскиот главен град Исламабад, изјави министерот за внатрешни работи Мосин Накви.

3 минути за читање

Бомбаш самоубиец утрово уби најмалку 12 лица пред судница во пакистанскиот главен град Исламабад, изјави министерот за внатрешни работи Мосин Накви. Неколку луѓе се ранети, а некои се во критична состојба, изјави болнички извор.

Напаѓачот утрово се обидел да влезе во судската зграда, но ја активирал експлозивната направа пред зградата, во близина на полициското возило, откако чекал таму 10 до 15 минути, изјави министерот Накви на местото на настанот.

– Го истражуваме овој инцидент од повеќе агли. Ова не е само уште еден бомбашки напад. Се случи во центарот на Исламабад – рече министерот.

Експлозијата се случила во близина на влезот на Окружниот суд во Исламабад, кој обично е преполн со луѓе.

Видеата и фотографиите објавени во локалните медиуми покажуваат луѓе облеани во крв како лежат покрај полициско возило.

Експлозијата предизвика паника, а безбедносните сили ја затворија областа, предизвикувајќи застој на сообраќајот на клучните патишта.

– Бевме во судот кога слушнавме оглушувачка експлозија. Сите се исплашија и луѓето почнаа да трчаат во сите правци. Беше застрашувачка сцена, а хаосот избувна веднаш по експлозијата – изјави очевидец.

Пакистанскиот претседател Асиф Али Зардари го осуди нападот и изрази сочувство до семејствата на жртвите.

Министерот за одбрана Хаваџа Асиф предупреди дека земјата е во „воена состојба“.

– Овој напад треба да се смета за повик за будење во односите со Авганистан, напиша Асиф на социјалната мрежа Икс, додавајќи дека „доаѓа од Кабул“.

Иако никој сè уште не ја презеде одговорноста, безбедносни извори велат дека нападот ги покажува карактеристиките на операција на милитанти поврзани со авганистанските талибанци и со Индија. Пакистан се соочува со нов бран исламистичко насилство во последните 3 години, откако талибанците ја презедоа власта во Авганистан во 2021 година. Исламабад долго време го обвинува Кабул дека им нуди засолниште на милитантните пакистански талибанци, тврдење што авганистанските власти цврсто го негираат.

Овој напад се случува неполни 24 часа после вчерашниот терористички напад во Индија

Автомобил експлодира во Њу Делхи, најмалку 8 жртви

Поврзани теми:

Њу Делхи|Исламабад|Кабул|војна|избор|авганистан|Индија|Пакистан|терористички напад

Повеќе на оваа тема:

Најнови вести од: Свет

ЕУ: Војната во Иран не е наша, за Украина нема 90 милијарди евра помош

Две војни на прагот на Европа го засенија вчерашниот 12-часовниот самит на лидерите на Европската Унија, но наместо да преземат конкретни чекори, тие останаа парализирани, неспособни да направат какво било значајно влијание врз кој било од конфликтите

Трмп добива златник со неговиот лик

Златната монета од 24 карати е најновиот обид на Трамп и неговите сојузници да го стават името на претседателот на зградите, владините програми и американската валута откако тој го започнува својот втор мандат во Белата куќа во јануари 2025 година.

Ердоган: Со својата апокалиптична агенда Израел нè турка во катастрофа, светот мора да го разбере ова варварство и лудило

Турскиот претседател Реџеп Таип Ердоган изјави дека Израел е предводен од мрежа, која се смета себеси за супериорна во однос на другите и дека постепено и свесно го влече регионот кон целосна катастрофа.

„Досетлива“ српско-хрватска двојка продавала во Унгарија седативи за коњи како дрога!

Легален бизнис со коњи бил користен како прикритие за продажба на ветеринарен лек-седатив за коњи со кетамин на црниот пазар, но како дрога наменета за луѓе. По апсењето на мажот, во шемата се вклучила и неговата сопруга. Обвинителството во Будимпешта поднесе обвиненија и предложи затворска казна против оваа двојка, државјани на Србија и Хрватска. Според обвинението, 41-годишниот маж водел пансион за коњи и се натпреварувал со коњи. Покрај тоа, од 2019 година, тој редовно продавал ветеринарни лекови што го содржат седативнот кетамин во големи количини.
Сите вести од Свет

Најнови вести

To top