Во Минхен вчера стартуваше 190-то издание на Октоберфест, кој ќе трае до 5 октомври
Се очекува фестивалот да го посетат 6-7 милиони луѓе во следните две и пол недели. Повеќето посетители доаѓаат од Германија, главно од Баварија. Меѓународните гости се главно од САД, Италија, Велика Британија, Австрија, Полска, Франција, Швајцарија, Шпанија и Холандија, а од минатата година – од Индија.
Големото прашање на секое издание на Октоберфест е цената на пивото. Минатата година, кригла од еден литар чинеше околу 15 евра, а оваа година повеќето пива се со цена над таа сума. Најскапотодостигнува 15,80 евра. Само неколку продавачи нудат литар пиво за помалку од 15 евра…
Високите цени не се ограничени само на пијалоците. Оваа година, литар вода за пиење чини просечно 10,95 евра.
Најскапиот стек во една од салите чини 410 евра – за 1,2 кг говедско месо од сортата Вагју, објави весникот „Аугсбургер Алгемајне“
Цените ги одредуваат самите трговци, иако настанот го организира општината. Градските власти го следат развојот на цените за да се осигурат дека тие остануваат во разумни граници.
Без оглед на неговата цена, на фестивалот се пијат околу 7 милиони литри пиво.
Во 2024 година, на фестивалот беа „изедени“ 125 волови и 70.000 свински бутови.