Претседателот на Украина, Володимир Зеленски, потпиша указ со кој му се одзема државјанството на митрополитот Онуфриј, поглавар на Украинската православна црква (УПЦ), непризната од Вселенската патријаршија, која во 2019 година ѝ даде томос за автокефалност на Православната црква на Украина (ПЦУ).
Онуфриј имал руски пасош од 2002 година, но го криел своето руско државјанство и го искористил статусот на украински државјанин.
Службата за безбедност на Украина (СБУ) денеска објави информации за случајот со првиот човек на црквата на која Киев ѝ го додава „Московска патријаршија“ во името, за да ја разликува од ПЦУ.
„Врз основа на материјалите на СБУ, украинското државјанство на Орест Березовски, кој е попознат како претстојател на УПЦ (МП), Онуфриј, е одземено. Соодветниот указ го потпиша претседателот на Украина Володимир Зеленски“, се вели во соопштението на СБУ.
Според СБУ, Онуфриј одржува контакт со Руската православна црква-Московска патријаршија, која ја поддржува војната против Украина. Тој, исто така, намерно се спротивставил на напорите за добивање канонска независност за Православната црква на Украина од Москва.