Свет

Зеленски: Путин се плаши од директни преговори со мене

Украинскиот претседател Володимир Зеленски изјави дека ќе направи се за планираната средба со Владимир Путин да се одржи оваа недела. – Ако Путин не е подготвен да дојде во Анкара, јас и Ердоган сме подготвени да летаме за Истанбул. Ќе направиме се за да се одржи таа средба – рече Зеленски. Тој посочи дека никој […]

2 минути за читање

Украинскиот претседател Володимир Зеленски изјави дека ќе направи се за планираната средба со Владимир Путин да се одржи оваа недела.

– Ако Путин не е подготвен да дојде во Анкара, јас и Ердоган сме подготвени да летаме за Истанбул. Ќе направиме се за да се одржи таа средба – рече Зеленски.

Тој посочи дека никој освен него не може да преговара со Путин.

– Ако нема средба со Путин, нема да има ни резултати. Сè веќе отиде предалеку. Путин се плаши од директни преговори со мене. Ако Путин не дојде и продолжи да игра, тоа ќе биде последниот доказ дека не сака да ја прекине војната – тврди Зеленски.

Зеленски рече дека доколку преговорите пропаднат, очекува „остри санкции“ од САД и ЕУ, бидејќи тоа ќе покаже дека Русија не е подготвена за дипломатија.

Украинскиот претседател рече и дека го поканил Доналд Трамп на средба со Владимир Путин во Истанбул, но американскиот претседател се уште не потврдил дали ќе присуствува.

Зеленски в четврток во Анкара треба да се сретне со турскиот претседател Реџеп Таип Ердоган, а доколку дојде Путин, тој е подготвен да отпатува во Истанбул на директни мировни преговори со рускиот претседател.

Кремљ сè уште не откри кој ќе ја претставува Русија на овие потенцијални преговори. Портпаролот на Кремљ Дмитриј Песков одби да одговори на тоа прашање.

Поврзани теми:

актуелно

Најнови вести од: Свет

Ужас на хокеарски натпревар: Убиецот, кој се идентификувал како жена, со пиштол ги ликвидирал поранешната сопруга и децата (Видео)

Три лица загинаа, а тројца се тешко ранети во пукање за време на младински хокеарски натпревар меѓу средни училишта во Потакет, Род Ајленд. Меѓу жртвите е и напаѓачот кој ја убил поранешната сопруга и детето, кој потоа извршил самоубиство. Според полициски извори, убиецот, за кој се смета дека е и татко на еден од играчите на натпреварот, е 56-годишниот Роберт Дорган, кој се претставувал под името Роберта и наводно се идентификувал како жена.

Новиот закон во Германија: Целосна забрана за апликации што предупредуваат за сообраќајни контроли

Германија се подготвува за радикална промена во регулативата за апликациите за навигација, која би можела да оди чекор подалеку од сегашните правила во повеќето европски земји.

Украина и Русија во Женева на нова рунда преговори за мир

Претставници на Украина и Русија денеска и утре ќе се сретнат во Женева на нова рунда мировни преговори со посредство на Соединетите Американски Држави, при што Кремљ истакнува дека фокусот ќе биде на најгорливото прашање од војната – судбината на украинската територија окупирана од Русија.

Холандскиот министер за одбрана: Ф-35 може да биде „хакиран“ како Ајфон(ВИДЕО)

Холандскиот министер за одбрана Гијс Туинман ја изненади јавноста со изјава дека софтверската независност за борбениот авион Ф-35 е можна, сугерирајќи дека авионот буквално би можел да биде „хакиран“ како Ајфон.
Сите вести од Свет

Најнови вести

To top